Главная » 2018 » Iyun » 5 » Dunyoning eng boylari o‘zgardimi? Alisher Usmonov bu ro‘yxatning nechanchi pog‘onasida?

---

22:26 Dunyoning eng boylari o‘zgardimi? Alisher Usmonov bu ro‘yxatning nechanchi pog‘onasida?

Bugun, 5 iyun kuni Bloomberg Billionaires Index dunyoning eng boy odamlari reytingini e'lon qildi. Ushbu reytingga asli o‘zbekistonlik bo‘lgan ikki milliarder ham kiritilgan.   Asli o‘zbekistonlik 14,7 milliard dollarga ega rossiyalik milliarder Alisher Usmonov ro‘yxatda 81-o‘rindan joy olgan.   Iskandar Mahmudov ismli yana bir o‘zbekistonlik biznesmen 6,07 milliard dollar bilan reytingda 278-o‘rinni egallagan.   Novolipetsk metallurgiya kombinati guruhi direktorlar kengashi raisi Vladimir Lisin 20,2 milliar dollar boyligi bilan Rossiyadagi eng boy biznesmen bo‘ldi. U dunyo bo‘yicha 45 o‘rinda qayd etildi.   Ta'kidlash joizki, milliarderlar ro‘yxatining yetakchilari orasida o‘zgarishlar yuz bermadi. Amazon va Blue Origin asoschisi Jeff Bezos 138 milliard dollarga ega bo‘lgan holda birinchi o‘rinda, Microsoft asoschisi Bill Geyts 93,8 milliard dollar bilan ikkinchi o‘rinda, Berkshire Hathaway rahbari Uorren Baffet 82,5 milliard bilan uchinchi o‘rinda turibdi.

1 2 3 4 5 Категория: Har-Hil | Просмотров:1312 | Добавил: Moderator | Рейтинг: 0.0/0

Всего комментариев: 0