Hamdan bin Muhammmad bin Rashid al Maktum 1982-yil 14-noyabr sanasida Dubay shahrida tug'ilgan.
U Dubay amiri Shayx Muhammad bin Rashid al Maktumni 15 farzandining biri, hamda Rashid al Maktumni birinchi ayoli
Hind bint Maktum bin Juma al Maktumni ikkinchi o'g'li hisoblanadi.Shahzodaning oilada olti aka-ukasi va to'qqiz nafar singlisi bor.
Hamdan bin Muhammad al Maktum yoshligida Shayx Rashid nomidagi Dubay hukumat maktabida hamda Buyuk Britaniyadagi Qirollik Harbiy Akademiyasida o'qigan.Shuningdek u London Iqtisodiyot oliy maktabida ham tahsil olgan.
2006 yil sentyabr oyida Hamdan bin Muhammad Dubay shahrining Ijroiy kengashi raisi etib tayinlangan.
2008 yil 1 fevral, 25 yoshida esa, akasi Rashid ibn Muhammadning o'limidan keyin Dubayning voris shahzodasi sifatida qasamyod qilgan.
U Dubay shahzodasi bo'lish bilan birga "Hash En Kapital" nomidagi yirik Xoj jamg'armasining boshlig'i, O'zi nomidagi universitetning rahbari, yana Dubay amirligining Sport qo'mitasi hamda Dubay autizm tadqiqot markazlarining rahbariga ham aylangan.
Mashxur Forbes jurnali 2011 yilda uning boyligini 18 milliard dollar deb baholagan.
Shahzoda Hamdan faol hayot tarzini hush ko'rgani bois, balandlikdan sakrash, baliq va qush ovlash, hamda velosipedda sayr qilishni yoqtiradi.
U bir necha sport turlari bilan ham shug'ullanib turadi.Shahzoda yoshligidan ot sporti bilan mutazam shug'ullanib keladi.U haqiqiy sportchi sifatida bugungacha Osiyo o'yinlari va Butunjahon Ot o'yinlarida bir nechta medallarni qo'lga kiritgan.
Shahzoda Hamdan hayvonot olamiga ham befarq emas.U o'z uyida noyob hisoblangan oq yo'lbars va oq arslon, hamda fil,lochin kabi yovvoyi hayvonlarni parvarish qiladi.Shu bilan birga u Tuyalarni ko'paytirish uchun ham ko'p mablag' sarflaydi.
Hamdan bin Muhammad al Maktum bo'sh vaqtlarida she'rlar ham yozib turadi, U Fazza taxallusi ostida ijod qiladi va ko'pincha oila, vatan haqida she'rlar yozadi.
Bu Shahzoda turli xayriya ishlarida faol ishtirok etib keladi.U nogiron va bemor bolalarga yordam berish uchun yiliga millionlab dollar xayriya qiladi.
Uning shaxsiy hayoti haqida: 36 yoshdagi Shahzoda Hamdan shu yil 15 may sanasida Shayx bint Said bin Tani al Maktumga uylandi.