Главная » 2020 » Fevral » 17 » Donald Tramp boshqa terroristik tahdidlarga qaramay ben Ladenning o‘g‘lini o‘ldirishni buyurgani oydinlashdi

---

15:59 Donald Tramp boshqa terroristik tahdidlarga qaramay ben Ladenning o‘g‘lini o‘ldirishni buyurgani oydinlashdi

AQSh prezidenti Donald Tramp mamlakat maxsus xizmatlaridan boshqa mavjud terroristik tahdidlarga qaramasdan "Al-Qoida” asoschisining o‘g‘li Hamza ben Ladenni yo‘q qilishni talab qilgan. Bu haqda "RIA Novosti” xabar berdi. O‘tgan yilning sentabr oyida Tramp Afg‘oniston va Pokistonda o‘tkazilgan antiterror operatsiyalarida Usama ben Ladenning o‘g‘li o‘ldirilganini ma’lum qilgandi. Uning so‘zlariga ko‘ra, Hamza ben Ladenning yo‘q qilinishi jangarilarni yana bir yetakchisidan mahrum qilgan hamda uning otasi bilan "ramziy aloqa”ga barham bergan. Qayd etilishicha, Tramp prezidentligining dastlabki ikki yili mobaynida markaziy razvedka boshqarmasi unga xavfli terrorchilar ro‘yxatini taqdim etgan, biroq prezident aynan Hamza Ben Ladenni o‘ldirishni talab qilgan. Navbatdagi yo‘q qilinadigan terrorchini tanlashda Tramp "terrorchilarni ismidan tanishi”dan kelib chiqqan. AQSh maxsus xizmatlari yo‘q qilishni rejalashtirayotganlar ro‘yxatida IShID yetakchisi Abu Bakr al-Bag‘dodiy birinchi o‘rinda turgan. Tramp uning yo‘q qilingani haqida o‘tgan yilning oktabrida ma’lum qilgan.

1 2 3 4 5 Категория: Har-Hil | Просмотров:433 | Добавил: moderator | Теги: yangilik | Рейтинг: 0.0/0

Всего комментариев: 0