Главная » 2016 » Yanvar » 19 » Dilfuza Ismoilova suratlari tarqalishida Ozoda Nursaidovani aybladi

---

21:21 Dilfuza Ismoilova suratlari tarqalishida Ozoda Nursaidovani aybladi

Xonanda Dilfuza Ismoilovaning shaxsiy hayoti doim diqqat markazida bo‘lib kelgan.  O‘tgan yili xonanda kenja o‘g‘lini uylantirgan edi. Shunday so‘ng xonandaning to‘ydagi videolari tarqalib, tinimsiz muhokama qilingan edi. Bu videolardan keyin xonanda bilan suhbat uyushtirib, masalaga oydinlik kiritgan edik. Kuni kecha xonandaning bir restoranda sariq libosda davrani to‘ldirib raqsga tushayotgani tasvirlangan suratlari tarqaldi. Bu suratlarni ko‘rganlar gap nima haqida ketayotganini yaxshi bilishadi. Biz bu fotosuratlarning tarqalishida asosiy vositachi bo‘lib qolmaslik uchun ularni saytga joylashtirmaslikka qaror qildik. Tasvirlarni ko‘rib suratlar ancha yillar avval olinganini payqash qiyin emas. Qiziq, Dilfuza Ismoilovaning bu suratlarini tarqatish kimga kerak bo‘ldi? Nega yana Ismoilova? Shu savollar bilan xonandaning o‘ziga murojaat qildik. Dilfuza Ismoilova, xonanda: — "Gadoning dushmani – gado bo‘ladi” deyishadi. Xonanda Ozoda Nursaidova 14 yil avval onasining tavallud kuniga taklif qilgan edi. Bu suratlar o‘sha tug‘ilgan kundagi video tasvirdan "stop kadr” qilib olingan. Odamlar shu darajada insofsiz, vijdonsiz bo‘lib ketishganiga hayronman. Boshqa san'atkorlarning menikidan-da battarroq suratlari tarqalsa ham hech kim g‘ing demayapti. Menga hasad ko‘zi bilan qaraydigan, qabih odamlar doim meni yomonotliqqa chiqarishadi. — O‘g‘illaringiz bu suratlarni ko‘rishdimi? Ular qanday fikrda? — Oila a'zolarim, o‘g‘illarim menga ishonishadi. Meni qanday insonligimni bilishadi. Kadrlar eski va videoni sekinlashtirib suratga olingani ko‘rinib turibdi. O‘g‘illarim ham bunga ishonadi. Suratlarimni tarqatayotganlar kimki dilozorlik qilsa, bir kun albatta o‘ziga qaytishini unutishmasin. Bir narsani ishonch bilan aytaman, bu suratlarni xonanda Ozoda Nursaidova tarqatgan. O‘sha tug‘ilgan kunda olingan videodan nafaqat mening, balki hamkasbim Aziza Niyozmetovaning ham suratlari tarqalgan.

1 2 3 4 5 Категория: Har-Hil | Просмотров:5378 | Добавил: Admin | Рейтинг: 0.0/0

Всего комментариев: 0