Главная » 2018 » Iyul » 6 » Daxshat ? Koinotga muvaffaqiyatsiz uchirilgan sovet stansiyasi yaqin yillar ichida Yerga qulaydi

---

13:03 Daxshat ? Koinotga muvaffaqiyatsiz uchirilgan sovet stansiyasi yaqin yillar ichida Yerga qulaydi

Veneraga muvaffaqiyatsiz tarzda uchirilgan sovet stansiyasi yaqin yillar ichida Yerga qulaydi, deb yozadi "Gazeta.ru” astronom, kosmonavtika tarixchisi Pavel Shubinga tayanib. Uning aniqlik kiritishicha, 1972-yilning 27-martida koinotga "Venera-8” stansiyasi jo‘natilgan. 31-mart kuni sobiq ittifoq uning "egizagi”ni uchirishga urinib ko‘rgan, biroq tezlatuvchi blok ishlaydigan bosqichda nosozlik yuz berib, dvigatel o‘chib qolgan. Stansiya tezlatuvchi blok bilan birga Yerga yaqin orbitada qolib ketgan. Muvaffaqiyatsizlikni yashirish uchun, qurilma "Venera-9” o‘rniga, "Kosmos-482” deb nom olgan. O‘z navbatida "Venera-8” Venera yuzasiga qo‘ngan va dunyoda birinchi marta uning yuzasidan ilmiy ma’lumot uzatgan. "Kosmos-482” bizga yaqin 4—7 yil ichida qaytib keladi”, — dedi Shubin. Uning so‘zlariga ko‘ra, parvozdan keyin stansiya tezlatuvchi blok bilan birga 220 kilometrga 9800 km parametrli orbitada qolgan, o‘tgan yarim asr ichida qariyb 7400 kilometrni yo‘qotgan, apogey (orbitaning eng yuqori nuqtasi) 2400 kilometrgacha pasaygan. Shubinning so‘zlariga ko‘ra, hozircha stansiya qayerga qulashi noma’lum, ammo bu 52 daraja shimoliy va 52 daraja janubiy kenglik oralig‘ida bo‘ladi.

1 2 3 4 5 Просмотров:1009 | Добавил: Moderator | Рейтинг: 0.0/0

Всего комментариев: 0