Главная » 2022 » Sentyabr » 13 » Daily Mail’da Yelizaveta II ning uzoq umr ko‘rish sirlari haqida maqola chop etildi

---

20:43 Daily Mail’da Yelizaveta II ning uzoq umr ko‘rish sirlari haqida maqola chop etildi

Qirolicha Yelizaveta II ning 96 yoshgacha jismonan va ruhiy jihatdan tetik bo‘lib yurishiga yordam bergan kundalik odatlari ro‘yxati tuzildi, deb xabar bermoqda Daily Mail. Qayd etilishicha, qirolicha har kuni o‘zining sevimli korgi itlari bilan ikki marta sayr qilgan, shifokorlarning taqiqlariga qaramay, u to‘qson yoshgacha ot minib, soatlab kitob o‘qigan. Bundan tashqari, qirolicha sevimli mashg‘ulotlaridan biri kiyik ovlash bilan ham shug‘ullangan. Qizig‘i shundaki, Yelizaveta II hech qachon ortiqcha vaznga ega bo‘lmagan. U har kuni bir xil narsani iste’mol qilgan. Qirolicha har bir kunini Erl Grey choyi va bir porsiya pechenye bilan boshlagan. Keyin esa Bukingem saroyidagi shaxsiy oshxonasida suli yormasi, yogurt, sendvich va marmelad bilan nonushta qilgan. Qirolicha ba’zan nonushta uchun dudlangan baliq iste’mol qilgan, ma’lum bo‘lishicha, urush yillarida baliq konservasini saqlab qolish oson bo‘lgan va dudlangan baliq uning sevimli mahsulotiga aylangan. Qirolicha odatlariga qat’iy amal qiladigan inson bo‘lgan. Qirolichaning 2020-yildagi kun tartibini yozgan Brayan Kozlovskiyning so‘zlariga ko‘ra, Yelizaveta II ning kuni shunday o‘tganini ma’lum qilgan: Qirolicha ertalab soat 7:30 da uyg‘ongan. Bir piyola Erl Grey choyini ichgan. Nonushtadan oldin hammom qabul qilgan. Nonushta qilayotganda bir nechta gazetalarni ko‘zdan kechirgan yoki radio tinglagan. Qizil qutilarini ko‘zdan kechirgan hamda uchrashuvlarini tayinlagan. Tushdan keyin saroy tashqarisidagi joylarga tashrif buyurgan va tushlik qilish uchun qaytib kelgan. Ko‘proq parlament hisobotlarini o‘qigan. Kokteylli qabul, ommaviy kechki ovqat yoki stol o‘yinlari, televizor tomosha qilish bilan shug‘ullangan. Kundaligi va kitobi bilan soat 23:00 da yotoqxonaga kirgan. Ma’lum bo‘lishicha, Britaniya monarxining sog‘lig‘i 2021-yilgacha, ya’ni turmush o‘rtog‘i shahzoda Filippning vafotigacha yaxshi holatda bo‘lgan. Edinburg gersogi vafotidan keyin qirolichaning salomatligi tez-tez yomonlasha boshlagan.

1 2 3 4 5 Категория: Har-Hil | Просмотров:247 | Добавил: moderator | Теги: yangilik | Рейтинг: 0.0/0

Всего комментариев: 0