Главная » 2021 » Noyabr » 11 » Chexiyada bosh vazir va hukumat iste’foga chiqdi

---

20:45 Chexiyada bosh vazir va hukumat iste’foga chiqdi

Chexiya hukumatining rahbari Andrey Babish 11-noyabr kuni iste’foga chiqish to‘g‘risida ariza berdi. "Hukumat iste’foga chiqishga qaror qildi. Men prezidentga iste’fo to‘g‘risidagi arizani yubordim, prezident uni qabul qildi”, — deya Babishning so‘zlarini keltiradi Chexiya radiosi. Xabarga ko‘ra, endi mamlakat prezidenti Milosh Zeman o‘z lavozimini tark etayotgan vazirlarga yangi Vazirlar Mahkamasi shakllantirilmaguncha o‘z vakolatlarini amalga oshirishni so‘rab murojaat qilishi kerak. Shu hafta boshida Zeman Fuqaro demokratik partiyasi yetakchisi Pyotr Fialega yangi Chexiya hukumatini shakllantirish bo‘yicha ko‘rsatma bergandi. 8-noyabr kuni Pragada hukumat koalitsiyasini tuzish bo‘yicha kelishuvga erishildi. Koalitsiya to‘g‘risidagi kelishuvga Fuqaro demokratik partiyasi, Xristian demokratik ittifoqi, "Birgalikda” alyansi bilan koalitsiyadagi "TOP 09” (markaziy o‘ngchilar) partiyasi va "STAN” harakati bilan koalitsiyadagi Piratlar partiyasi vakillari imzo chekdi. Yangi Vazirlar Mahkamasining tarkibi 18 vazir, jumladan, bosh vazirga aylanadigan Fialedan iborat bo‘lishi kutilmoqda. 57 yoshli Fiale bungacha ta’lim, yoshlar va jismoniy tarbiya vaziri lavozimlarida ishlagan. U 2013-yildan beri parlament deputati hisoblanadi. Oktabr o‘rtasida Chexiya Senatining Konstitutsiyaviy komissiyasi Milosh Zemandan prezidentlik vakolatlarining bir qismini olib tashlash imkoniyatini ko‘rib chiqqan edi. Bunga Zemanning qayta-qayta kasalxonaga yotqizilishi sabab bo‘lgan. 77 yoshli Milosh Zeman 10-oktabr kuni Pragadagi Markaziy harbiy kasalxonaga yotqizildi. Shifokorlar unga qo‘yilgan tashxisni oshkor qilmadi. Bundan avval Zeman sentabr oyida sakkiz kun Markaziy harbiy kasalxonaga yotqizilgan edi. Praga qal’asi buni rejalashtirilgan muolaja deb aytgan. Siyosatchi diabet va oyoqlarning nevropatiyasi bilan kasallangan, u nogironlar aravachasida harakatlanadi.

1 2 3 4 5 Категория: Har-Hil | Просмотров:362 | Добавил: moderator | Теги: yangilik | Рейтинг: 0.0/0

Всего комментариев: 0