Главная » 2020 » Aprel » 1 » Chempionlar Ligasi va Yevropa Ligasi finali tomoshabinlarsiz o‘tishi mumkin

---

17:20 Chempionlar Ligasi va Yevropa Ligasi finali tomoshabinlarsiz o‘tishi mumkin

UEFA 2019/20-yilgi Yevrokuboklarning qolgan bahslarini tomoshabinlarsiz o‘tkazish variantini ko‘rib chiqmoqda. The Independent nashrining xabar qilishicha, mazkur qaror Chempionlar Ligasi va Yevropa Ligasi finaliga ham taaluqli bo‘ladi. Qayd etilishicha, tashkilot mazkur musobaqalarni bekor qilish niyatida emas va oxirigacha o‘tkazib qo‘ymoqchi. 1-aprel kuni UEFA videokonferensiya o‘tkazadi. Unda futbolchilarning shartnomalari va transfer oynasining muddati, shuningdek, 2019/20-yilgi mavsumning qolgan o‘yinlari taqvimi muhokama qilinadi. Ayni damda Belarus chempionatidan boshqa Yevropaning barcha ligalari koronavirus tufayli to‘xtab qolgan. 1-aprel holatiga dunyo bo‘yicha koronavirus yuqtirib olganlar soni 874 ming nafardan oshdi. 185 mingga yaqin kishi virusni yengib o‘tgan bo‘lsa, 43 mingdan ziyod odam vafot etgan.

1 2 3 4 5 Категория: Har-Hil | Просмотров:601 | Добавил: moderator | Теги: yangilik | Рейтинг: 0.0/0

Всего комментариев: 0