Главная » 2018 » May » 6 » Chagayev ham qoyil qoldi! Boks kechasida o‘zbekistonliklar barcha raqiblarini ring tishlatdi

---

12:33 Chagayev ham qoyil qoldi! Boks kechasida o‘zbekistonliklar barcha raqiblarini ring tishlatdi

Kecha Toshkentdagi muhtasham "O‘zbekiston” sport majmuasida professional boks oqshomi tashkil etildi.   Kechaning markaziy jangida Azizbek Abdug‘ofurov rossiyalik Dmitriy Chudinovga qarshi ringga chiqdi. 12 raund davom etgan jangda g‘olib ochkolar hisobiga ko‘ra aniqlandi. Jang yakuniga ko‘ra, Azizbek Abdug‘ofurov 118:110, 118:110, 117:111 hisoblarida g‘alaba qozondi va WBC Silver kamari sohibiga aylandi.   Ta'kidlab o‘tish joizki, jang kechasiga o‘zbekistonlik mashhur bokschi Ruslan Chagayev ham tashrif buyurdi va hamyurtlarining g‘alabasidan shod bo‘lib, ularning qayd etgan natijasidan qoyil qolganini tan oldi.   Jang kechasida quyidagi bellashuvlar bo‘lib o‘tdi:   Jamshid Najmiddinov – Kaxa Avetisiani (Gruziya) (Jamshid Najmiddinov 1-raundda nokaut evaziga g‘alaba qozondi).   Bekzod Tursunboyev – Roy Muxlis (Indoneziya) (Bekzod Tursunboyev 1-raundda nokaut evaziga g‘alaba qozondi).   Umid Rustamov – David Ribakoni (Gruziya) (Umid Rustamov 3-raundda nokaut evaziga g‘alaba qozondi).   Ulug‘bek Sobirov – Jorji Ungiadze (Gruziya) (Ulug‘bek Sobirov 2-raundda nokaut evaziga g‘alaba qozondi).   Olimjon Nazarov – Xvicha Gigolashvili (Gruziya) 100:91, 100:90, 100:90.   Jasur Ahmadjonov – Stevi Ongen Ferdinandus (Indoneziya) 80:70, 80:71, 80:72.   Qudratillo Abduqahhorov – Tvaxa Kiduku (Tanzaniya) 80:70, 80:72, 80:72.   Azizbek Abdug‘ofurov – Dmitriy Chudinov (Rossiya) 118:110, 118:110, 117:111.   Milliy Olimpiya qo‘mitasi tashabbusi bilan ushbu jang oqshomini tomosha qilish uchun qariyalar uyidan mehmonlar tashrif buyurdi. Bu yaqinlashib kelayotgan bayram uchun faxriylarga o‘ziga xos ajoyib sovg‘a bo‘ldi.

1 2 3 4 5 Категория: Har-Hil | Просмотров:1256 | Добавил: Moderator | Рейтинг: 0.0/0

Всего комментариев: 0