Главная » 2023 » Yanvar » 8 » Buyuk Britaniya kasalxonalari COVID-19 bemorlari bilan to‘lib ketgani ma’lum qilindi

---

14:16 Buyuk Britaniya kasalxonalari COVID-19 bemorlari bilan to‘lib ketgani ma’lum qilindi

Buyuk Britaniya bosh vaziri Rishi Sunak vazirlar, shifokorlar va rahbarlarni koronavirus bilan kasallanish holatlarining ko‘paygani hamda kasalxonalar to‘lib ketgani munosabati bilan shoshilinch yig‘ilishga chaqirdi. Bu haqda AP xabar bermoqda. Ta’kidlanishicha, kengash koronavirus bilan kasallanish holatlarining ko‘payishiga oid muammolarni hal qilishi kerak. Bundan tashqari, Buyuk Britaniya sog‘liqni saqlash tizimi hozirda gripp va boshqa mavsumiy virusli kasalliklarning ortishi, shuningdek, Brexit’dan keyin tibbiyot xodimlarning yetishmasligi muammolarini boshdan kechirmoqda. Buyuk Britaniya kasalxonalaridagi minglab o‘rinlar uzoq vaqtli parvarishga muhtoj ammo boradigan boshqa joyi yo‘q odamlar bilan to‘ldirilgan. Rasmiy ma’lumotlarga ko‘ra, so‘nggi bir hafta ichida Angliyadagi kasalxonalardan chiqishga tayyor bo‘lgan bemorlarning atigi uchdan bir qismi uyga qaytgan. Buning oqibatida tez yordam mashinalari va shoshilinch yordamga muhtoj odamlar kasalxonalar tashqarisida soatlab kutib qolmoqda. Bundan tashqari, inflyatsiya oqibatida ayrim tibbiyot xodimlari yetarlicha maosh olmayapti, shu bois hamshiralar va tez yordam brigadalari ish tashlash uyushtirmoqda. Tibbiyot kasaba uyushmalari rahbarlari 9-yanvar kuni hukumat vakillari bilan uchrashib, o‘z talablarini muhokama qilishi va bu muammolarni ish tashlashlardan tashqari hal qilish ustida bosh qotirishi kutilmoqda. Inqiroz milliy sog‘liqni saqlash xizmatini qanday moliyalashtirish va boshqarish haqidagi munozaralarga ham sabab bo‘ldi. Hozircha ushbu soha budjet hisobidan moliyalashtiriladi, lekin bu yetarli emasligi aytilmoqda.

1 2 3 4 5 Категория: Har-Hil | Просмотров:380 | Добавил: moderator | Теги: yangilik | Рейтинг: 0.0/0

Всего комментариев: 0