Главная » 2018 » Fevral » 21 » Buxoroda turist politsiyasi xizmati yo‘lga qo‘yildi

---

08:56 Buxoroda turist politsiyasi xizmati yo‘lga qo‘yildi

Buxoroda xavfsiz turizmni rivojlantirish maqsadida turist politsiyasi ish boshladi. Bu haqda Turizmni rivojlantirish davlat qo‘mitasining matbuot xizmati xabar bermoqda.   O‘zbekistonda xavfsiz turizmni rivojlantirish konsepsiyasiga asosan Buxoro, Samarqand, Xorazm va Qashqadaryo viloyatlarda Xavfsiz turizm boshqarmasi o‘z ishini boshladi.   Xususan, Buxoro shahrida ushbu boshqarma tarkibi 45 kishidan iborat bo‘lib, ularning ixtiyorida maxsus belgiga ega bo‘lgan avtomobil va avtobuslar mavjud.   Mazkur boshqarma transporti sayyohlarning xavfsizligini ta'minlash uchun zarur choralarni qo‘llash imkonini beruvchi  video kuzatuv kameralari bilan jihozlangan. Boshqarmada chet tillarini biladigan, turistlar uchun kerak bo‘ladigan ma'lumotlar bazasiga ega shaxsiy planshet va kompyuter bilan ta'minlangan  xodimlarga faoliyat ko‘rsatadi.   Boshqarmaning asosiy vazifasi sayyohlar xavfsizligini ta'minlash, ehtimoliy tahdidlar haqida o‘z vaqtida xabardor qilish, shuningdek, ularning huquqlari va qonuniy manfaatlarini himoya qilishdan iborat.

1 2 3 4 5 Категория: Har-Hil | Просмотров:1731 | Добавил: Admin | Теги: Buxoroda turist politsiyasi xizmati | Рейтинг: 0.0/0

Всего комментариев: 0