Главная » 2021 » Dekabr » 18 » Buxoroda hokimlikning soxta xodimi fuqaroga bepul uy olib berish uchun 2 ming dollar olgani aniqlandi

---

08:42 Buxoroda hokimlikning soxta xodimi fuqaroga bepul uy olib berish uchun 2 ming dollar olgani aniqlandi

Buxoro shahrida hokimlik hisobidan bepul uy olib bermoqchi bo‘lgan soxta xodim ushlandi, deb xabar bermoqda Iqtisodiy jinoyatlarga qarshi kurashish departamenti. Ma’lum qilinishicha, Bosh prokuratura huzuridagi departamentning Buxoro viloyati boshqarmasi tergovga qadar tekshiruv o‘tkazgan. Unda I.B. ismli shaxs o‘zini Buxoro shahar hokimligi deb tanishtirib, fuqaro N.ga hokimlik tomonidan ajratiladigan bepul uylardan birini olib berishni va’da qilib, 2 ming dollar olgani aniqlangan. Qayd etilishicha, u ixtiyoriy ravishda 3 million so‘m va 1750 dollarni qaytarib bergan, pullar ashyoviy dalil sifatida olingan. Tekshiruv davomida I.B. avval ham firibgarlik jinoyati bilan sudlangani aniqlangan. Ta’kidlanishicha, holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.

1 2 3 4 5 Категория: Har-Hil | Просмотров:358 | Добавил: moderator | Теги: yangilik | Рейтинг: 0.0/0

Всего комментариев: 0