Главная » 2020 » Iyul » 1 » Buxoroda 540 gr simobni 50 ming dollarga sotayotgan shaxslar ushlandi

---

08:39 Buxoroda 540 gr simobni 50 ming dollarga sotayotgan shaxslar ushlandi

DXX Buxoro viloyati boshqarmasi va viloyat bojxona boshqarmasining kontrabanda bo‘limi xodimlari tomonidan o‘tkazilgan tezkor tadbirda simob moddasining noqonuniy savdosi bilan shug‘ullanayotgan shaxslar qo‘lga olindi. Bu haqda Davlat xavfsizlik xizmati "Daryo”ga xabar berdi. Kuchli ta’sir qiluvchi yoki zaharli moddalarning noqonuniy savdosiga qarshi kurashish doirasida o‘tkazilgan tezkor tadbirda Buxoro shahrida yashovchi O.S. 540 gr simob moddasini xaridorga 50 ming AQSh dollariga sotayotgan vaqtda ashyoviy dalillar bilan ushlandi. Bundan tashqari, Buxoroda yana shunday bir holat aniqlandi. Xususan, Jondor tumanida yashovchi F.X. 3 kg 60 gr simob moddasining har bir kilogrammini 4 ming AQSh dollariga sotib, mo‘may daromad topishni reja qiladi. Bu borada unga Romitan tumanida istiqomat qiluvchi J.R. vositachilik qiladi. DXX va Bojxona qo‘mitasi xodimlari tomonidan o‘tkazilgan tezkor tadbirda ular yuqorida qayd etilgan simob moddasini Buxoro—Gazli avtomobil yo‘lida joylashgan avtoturargohda sotayotgan vaqtlarida ashyoviy dalillar bilan qo‘lga olindi. Avvalroq 2020-yilning may oyida Navoiy viloyatida 25 ming dollarga soxta simob sotayotgan shaxslar qo‘lga olingani haqida xabar berilgandi. Bundan tashqari 2019-yil dekabr oyida Namangan viloyatida 700 gr simobni 6000 dollarga sotayotgan shaxs qo‘lga tushgan.

1 2 3 4 5 Категория: Har-Hil | Просмотров:446 | Добавил: moderator | Теги: yangilik | Рейтинг: 0.0/0

Всего комментариев: 0