Главная » 2017 » Mart » 23 » Bu yilgi "Salomatlik poyezdi" qayerlarga boradi?

---

10:32 Bu yilgi "Salomatlik poyezdi" qayerlarga boradi?

"O‘zbekiston temir yo‘llari” AJ tomonidan respublikamizning chekka hududlarida ekologik jihatdan noqulay sharoitda istiqomat qilayotgan temiryo‘lchilar, ularning oila-a'zolari va aholiga malakali tibbiy xizmat ko‘rsatib, ularning salomatligini tiklash maqsadida tashkil etilgan "Salomatlik” tibbiy-sanitar yordam poyezdi joriy yilgi ilk safarini Surxondaryo viloyatidan boshladi.   Poyezd barcha zamonaviy UTT, EKG, flyuragrafiya, laboratoriya jihozlari, tibbiy asbob-uskunalar bilan ta'minlangan. Unda malakali terapevt, nevropatolog, pediatr, genikolog, endokrinolog, okulist, otorinolaringolog, jarroh, dermatolog, flyuorograf, stomatolog mutaxassisligida 11 nafar shifokor va 8 nafar hamshira faoliyat yuritmoqda.   Joriy yilgi "Salomatlik” poyezdining safar rejasi "Xalq bilan muloqot va inson manfaatlari yili” Davlat dasturi ijrosi doirasida tashkil etilib, Surxondaryo, Navoiy viloyatlari hamda Qoraqalpog‘iston Respublikasining chekka hududlarida istiqomat qilayotgan aholi chuqurlashtirilgan tibbiy-profilaktik ko‘rikdan o‘tkaziladi.   Har yili xayriya tadbirlari "Sog‘lom avlod uchun” xalqaro xayriya fondi bilan hamkorlikda tashkil etilib, temiryo‘lchilar va kam ta'minlangan aholi salomatligini muhofaza qilish bilan birga ijtimoiy ko‘makka muhtoj aholi va nogironlarga, tibbiy-ijtimoiy muassasalarga dori-darmon, gigiena vositalari yetkazib berilmoqda.   Ma'lumot uchun, 21 mart kuni "Qarshi-Termiz” yo‘nalishi bo‘ylab sakkiz kunlik safarga chiqqan poezd "Sariosiyo”, "Qumqo‘rg‘on”, "Boysun”, "Darband”, "Oqrabot”, "Dehqonobod” stansiyalari atrofida istiqomat qilayotgan aholini tibbiy ko‘rikdan o‘tkazadi.

1 2 3 4 5 Категория: Har-Hil | Просмотров:1345 | Добавил: Admin | Теги: Bu yilgi Salomatlik poyezdi qayerla | Рейтинг: 0.0/0

Всего комментариев: 0