Главная » 2022 » Mart » 19 » Britaniya siyosatchilari Putinga tribunal chaqirishni so‘ramoqda

---

23:51 Britaniya siyosatchilari Putinga tribunal chaqirishni so‘ramoqda

Buyuk Britaniyaning sobiq Bosh vazirlari Gordon Braun va Jon Meyjor Vladimir Putinning Ukrainadagi xatti-harakatlarini tekshirish uchun yangi xalqaro tribunal tashkil etishni talab qilmoqda. Bu haqda BBC nashri xabar berdi.  Qayd etilishicha, sobiq Bosh vazirlar va yana 138 kishi Ikkinchi jahon urushidan keyin natsistlarning urush jinoyatchilari ustidan o‘tkazilgan Nyurnberg sudlaridan namuna olib, sud organini tashkil etish to‘g‘risidagi petitsiyani imzolagan.  Xalqaro jinoiy sud allaqachon Putinni Ukrainadagi harbiy jinoyatlarda gumon qilib tergov qilmoqda.  Biroq, uning imkoniyatlari cheklangan Xalqaro jinoiy sud Rossiya tajovuzini Birlashgan Millatlar Tashkilotining Xavfsizlik Kengashining sanksiyasisiz tekshira olmaydi. "Agar hozir aniq signal yubormasak, boshqa mamlakatlarda ham shu kabi tajovuzga duch kelamiz, bu ham jazosiz qolishi mumkin”, deydi Braun. Rossiya-Ukraina urushi Joriy yilning 21 fevral kuni Rossiya Prezidenti Vladimir Putin Kremlda Ukraina sharqidagi o‘zini mustaqil deb e’lon qilgan Lugansk xalq respublikasi (LXR) va Donetsk xalq respublikasini (DXR) tan olish to‘g‘risidagi farmonni imzoladi. Keyinroq RF respublikalarni shu nomdagi viloyatlar chegaradagi tan olganini ta’kidlab, Ukrainaga qarshi urush xavfini oshirib yubordi. Putinning favqulodda qarori ortidan AQSH, YeI, Kanada, Avstraliya, Buyuk Britaniya va Yaponiya rasmiylari ham Rossiyaga qarshi sanksiyalar kiritdi. 24 fevral kuni Rossiya Prezidenti Vladimir Putin Ukraina sharqida Donbassda rus harbiylari "maxsus harbiy operatsiya" boshlaganini e’lon qildi va rus qo‘shinlari Ukrainaga hujum boshladi. Putin bu harakatini Ukraina sharqidagi rossiyaparast separatist kuchlar rahbarlari shunday so‘rov yuborgani bilan oqladi. Bundan avvalroq Zelenskiy Rossiya fuqarolariga rus tilida murojaat qilib, ukrainlarga "na sovuq, na issiq, na gibrid urush kerak emas”ligini, ukrainlar hujumchilarni kutib olishga tayyorligini bildirgandi. Ko‘p o‘tmay Prezident Rossiya bilan diplomatik aloqani uzdi. Prezident Zelenskiy mamlakatda harbiy holat e’lon qildi. 25 fevral kuni Zelenskiy Ukrainada umumiy harbiy safarbarlik e’lon qildi. Armiyaga chaqiruv mamlakatning qator viloyat va shaharlarida amalga oshirilishi belgilandi. Rus qo‘shinlari hozirgacha Ukrainaga shimol, sharq va janubdan hujum qilib kelmoqda va qator hududlarni egallashga erishdi. Ammo bu urush Rossiyaning dunyoda yakkalanib qolishiga olib keldi. Ukrainaga hujum boshlanishi Rossiya iqtisodiga og‘ir zarba berdi. Rus kompaniyalari aksiyalari keskin arzonlashdi, Moskva birjasida savdolar mislsiz darajada pasayish bilan o‘tdi. Gazprom, LUKOYL va boshqa yirik kompaniyalar yo‘qotishlarga uchradi. Hujum boshlangach, Yevropa davlatlari va AQSH Rossiyaga qarshi bir necha bosqichli sanksiyalar joriy qildi. Rossiyaning VTB, "Rossiya” banki, "Otkritiya”, "Novikombank”, "Promsvyazbank”, "Sovkombank” va VEB.RF banklari SWIFT xalqaro banklararo tizimidan uzildi. AQSH va Yevropa Ittifoqi Rossiyaning oltin-valyuta zaxirasini blokladi. Yevropa davlatlari, AQSH, Kanada Rossiya uchun o‘z havo hududini yopdi. Bu sanksiyalarga neytral davlat hisoblangan Shveysariya ham qo‘shildi. Urush fonida Ukrainani Yevropa Ittifoqi a’zoligiga qabul qilish jarayoni tezlashdi.

1 2 3 4 5 Категория: Har-Hil | Просмотров:381 | Добавил: moderator | Теги: yangilik | Рейтинг: 0.0/0

Всего комментариев: 0