Lula hibsga olingandan so‘ng ko‘chalarda uning tarafdorlari norozilik namoyishiga chiqdilar.
Politsiya Braziliyaning sobiq prezidenti Luis Inasiu Lula da Silvaning uyida tintuv o‘tkazib, uni tergov qilganidan so‘ng, Ishchilar partiyasi a'zolari qizil ko‘ylakda ko‘chalarga nozrozilik namoyishiga chiqdilar. Bu haqda "Bloomberg” xabar berdi.
Norozilik namoyishlari politsiya xodimlari va sobiq prezidentning tarfadorlari o‘rtasidagi mushtlashuvlarga aylanib ketdi.
Poraxo‘rlikda va noqonuniy ravishda davlat mablag‘larini o‘zlashtirganlikda ayblanayotgan Lula da Silva politsiya tomonidan so‘roq qilingandan so‘ng ozod etildi, deya "Euronews” xabar berdi.
Tergovchilar Lulaning hokimiyatda bo‘lgan paytda "Petrobras” neft kompaniyasidan pora olgani bilan bog‘liq shikoyatlarni ko‘rib chiqmoqda.
Lula o‘zining partiyasi bosh-qarorgohida so‘zga chiqib, "Ular qilishi kerak bo‘lgan yagona ish – kelayotganlarini menga aytishlari edi”, – deb ta'kidladi. Bunda u namoyishchilarning harakatidan noroziligini bildirdi. "Ular, baxtga qarshi, manmanlik, o‘zboshimchalik bilan ish tutdilar”, – deydi u namoyishchilar haqida fikr bildirarkan.
Lula bilan bog‘liq vaziyatga Braziliyaning hozirgi prezidenti Dilma Rusef ham o‘z fikrini bildirdi. Sobiq prezidentning keraksiz va majburiy yo‘l bilan so‘roq qilinganidan, Dilma noroziligini ma'lum qildi.
Eslatib o‘tamiz, kecha, 4 mart kuni Barziliyaning sobiq prezidenti Luis Inasiu Lula da Silva "Petroleo Brasileiro SA” neft kompaniyasi bilan noqonuniy til biriktirganlikda va poraxo‘rlikda ayblanib hibsga olingan edi.
Ma'lumot o‘rnida, Luis Inasiu Lula da Silva 2003 yil 1 yanvardan 2011 yil 1 yanvargacha Braziliya prezidenti lavozimida ishlagan.
|