Главная » 2018 » May » 18 » Bojxonachilar “Toshkent” xalqaro aeroportida qing‘irlikning yangi usulini fosh qildi

---

20:40 Bojxonachilar “Toshkent” xalqaro aeroportida qing‘irlikning yangi usulini fosh qildi

Bugun, 18 may kuni Islom Karimov nomidagi "Toshkent” xalqaro aeroportida tilla quymalarni yashirinchi olib chiqishning yangi yo‘lini "kashf” qilgan fuqaro fosh etildi. Bu haqda Davlat bojxona qo‘mitasi xabar berdi.   Dehliga parvozi oldidan fuqaro N.Sh. bojxona chegarasidan yashil yo‘lak orqali o‘tgan. Ammo u jismoniy shaxslar uchun joriy qilingan yengillik va qulayliklarni sui'stemol qilishga uringan.   Ma'lum bo‘lishicha, fuqaro N.Sh. bojxona xodimlarining ko‘zini shamg‘alat qilishga urinib, poyabzalining ostki qismiga 79 gramm og‘irlikdagi tilla quymalarni yashirgan ekan.   Shuningdek, qonunbuzar shu bilan kifoyalanmagan. Unga tegishli bagaj ham sinchiklab ko‘zdan kechirilganda, yuklar orasidagi 1 dona planshetning nazorat-rentgen apparatidagi tasvirlari shubhali ko‘ringan.   Shundan so‘ng ushbu planshet xolislar ishtirokida ko‘zdan kechirilganida, uning orasiga ham juda yupqa qilib ishlangan 215,8 gramm og‘irlikdagi quyma tillalar yashirilgani aniqlandi.   Hozirda ushbu holat yuzasidan bojxona tekshiruvlari olib borilmoqda.

1 2 3 4 5 Категория: Har-Hil | Просмотров:1341 | Добавил: Moderator | Рейтинг: 0.0/0

Всего комментариев: 0