Главная » 2020 » Yanvar » 30 » Boeing kompaniyasi 737 MAX halokatlari sababli 22 yil ichida birinchi marta zarar ko‘rdi

---

11:14 Boeing kompaniyasi 737 MAX halokatlari sababli 22 yil ichida birinchi marta zarar ko‘rdi

Boeing kompaniyasi 2019-yilda 636 million dollar miqdorida zarar ko‘rdi. Bu haqda kompaniya hisobotida ma’lum qilingan, deb yozmoqda Meduza. Qayd etilishicha, bu Boeing kompaniyasining 1997-yildan beri qayd etilgan birinchi yillik zarari hisoblanadi. Kompaniya hisobotiga ko‘ra, 2019-yilning to‘rtinchi choragida asosiy faoliyatdagi qayd etilgan yo‘qotish 737 MAX samolyotlarining halokatlari ta’sirini aks ettiradi. Boeing hisob-kitoblariga ko‘ra, ikki samolyotning halokati kompaniya uchun qariyb 18 milliard dollarga tushadi. Bunda mazkur samolyotlarning ishlab chiqarilishi to‘xtatilgani sababli ularni ola olmaydigan buyurtmachilarning kompensatsiya to‘lovlari ham hisobga olingan.Eslatib o‘tamiz, 2019-yilning 10-mart kuni Ethiopian Airlines aviakompaniyasining Keniyaga uchayotgan Boeing 737-800 MAX samolyoti halokatga uchrashi oqibatida bortda bo‘lgan 149 nafar yo‘lovchi, shuningdek, sakkiz nafar ekipaj a’zosi halok bo‘lgan. 2018-yilning 29-noyabr kuni Lion Air aviakompaniyasining Boeing 737 yo‘lovchi samolyoti Jakarta aeoportidan havo ko‘tarilganidan ko‘p o‘tmay halokatga uchrab, dengizga qulagan. Samolyot bortida 189 kishi bo‘lgan. Shulardan 181 nafari yo‘lovchi, 2 nafar uchuvchi hamda 6 nafar ekipaj a’zosi. Ularning barchasi halok bo‘lgan.

1 2 3 4 5 Категория: Har-Hil | Просмотров:579 | Добавил: moderator | Теги: yangilik | Рейтинг: 0.0/0

Всего комментариев: 0