Главная » 2020 » Fevral » 29 » Bloomberg: Dunyoning eng badavlat insonlari bir hafta ichida 444 mlrd dollar yo‘qotdi

---

19:52 Bloomberg: Dunyoning eng badavlat insonlari bir hafta ichida 444 mlrd dollar yo‘qotdi

Dunyo bo‘ylab birja indekslarining pasayishi oqibatida so‘nggi bir hafta davomida sayyoraning eng badavlat 500 odami 444 milliard dollar yo‘qotdi. Ko‘rilgan zararlar qiymati yil boshidan beri olingan barcha daromadlardan oshib ketgan. Bu haqda Bloomberg’ga tayanib, "RBK” xabar berdi. Amazon asoschisi Jeff Bezos 11,9 milliard dollar yo‘qotgan. Undan keyingi o‘rinda Microsoft rahbari Bill Geyts 10 milliard dollar bilan turgan bo‘lsa, LVMH egasi Bernar Arno 9 milliard dollaridan ayrilgan. Dastlabki o‘ntalikka kirmaydiganlar orasida eng ko‘p yo‘qotishga Ilon Mask uchragan. U Tesla aksiyalari narxining tushib ketishi oqibatida 9 milliard dollaridan ayrilgan. Ta’kidlanishicha, dunyodagi eng badavlat insonlarning 80 foizi zarar ko‘rgan. Ularning yo‘qotishlariga dunyo bo‘ylab koronavirusning tarqalishi va Xitoydagi vaziyat tufayli iqtisodiy pasayish qo‘rquvi bilan bog‘liq. Muammolar to‘g‘ridan to‘g‘ri Carnival Corp. rahbari Miki Arisonga zarar keltirgan. Chunki Yaponiyada karantinga olingan Diamond Princess sayohat kemasi Arisonga tegishli. So‘nggi bir haftaning ichida u 1 milliard dollar yo‘qotgan. Avvalroq Xitoyda tarqalgan yangi turdagi koronavirus tufayli mamlakat hududidagi zavodlar va do‘konlar epidemiya oqibatida yopib qo‘yilgani, bu butun dunyoda 5 milliondan ortiq kompaniyalar faoliyatiga salbiy ta’sir ko‘rsatgani xabar berilgan edi.  Fitch xalqaro reyting agentligi koronavirusning tarqalishi Xitoyda avtomobil sotish hajmining pasayishiga va butun dunyo bo‘ylab avtomobillar yetkazib berish jarayonining buzilishiga olib kelishi mumkinligidan ogohlantirgan. Ma’lumot uchun, koronavirus tufayli dunyoning eng boy odamlari bir kunda 139 milliard dollar yo‘qotdi, O‘zbekistonning asosiy eksport mahsuloti — oltinning narxi rekord darajada ko‘tarildi. Samsung koronavirus bilan kasallangan xodim sababli Janubiy Koreyadagi korxonalaridan birini yopdi. Avvalroq milliarder Uorren Baffett koronavirusning tarqalishi va uning jahon bozoriga ta’siri haqida fikr bildirgan edi. Moody’s reyting agentligi virusning 2008—2010-yillardagi moliyaviy inqirozdan ko‘ra jiddiyroq oqibatlarga olib kelishi mumkinligi to‘g‘risida ogohlantirgan.

1 2 3 4 5 Категория: Har-Hil | Просмотров:554 | Добавил: moderator | Теги: yangilik | Рейтинг: 0.0/0

Всего комментариев: 0