Главная » 2020 » Mart » 18 » Berlinda “Matritsa” filmining to‘rtinchi qismini suratga olish ishlari to‘xtatildi

---

15:39 Berlinda “Matritsa” filmining to‘rtinchi qismini suratga olish ishlari to‘xtatildi

Warner Bros. Pictures studiyasi Yevropada yangi turdagi COVID-19 koronavirusi tarqalgani sabab "Matritsa 4” filmining suratga olish ishlarini vaqtincha to‘xtatishga qaror qildi, deb xabar beradi "Kinopoisk”. Suratga olish ishlari Berlinda amalga oshirilayotgan kartina noma’lum muddatga to‘xtatiladigan bo‘ldi. Aktyorlar tarkibi hamda suratga olish guruhi a’zolari orasida koronavirus bilan kasallanish holati qayd etilmagan. "Matritsa” filmining to‘rtinchi qismi syujeti qanday bo‘lishi haqida ma’lumotlar yo‘q. Warner studiyasi va rejissor Lana Vachovski loyiha detallarini barchadan sir tutishga urinmoqda. Tasdiqlanmagan mish-mishlarga ko‘ra, filmda Lorens Fishbyorn ijrosidagi yosh Morfeus paydo bo‘ladi. Kianu Rivz va Keri-Enn Moss yana bir bor Neo va Triniti rollarini ijro etadi. Jada Pinkett Smitt Nayrobi roliga qaytadi. Shuningdek, loyihaga Priyanka Chopra, Jonatan Groff, Jessika Xenvik va Nil Patrik Xarris jalb etilgan. "Matritsa” — ilmiy-fantastik jangari film bo‘lib, aka-uka Vachovskilar tomonidan suratga olingan. Filmda Kianu Rivz, Lourens Fishborn, Kerri-Enn Moss va Xyugo Uiving bosh rollarni ijro etgan. 1999-yilda katta ekranlarga chiqqan film butun dunyo bo‘yicha katta shuhrat qozongan. Avvalroq taniqli Gollivud aktyori Tom Xenks hamda uning rafiqasida, britaniyalik aktyor Idris Elbada, shuningdek, Olga Kurilenkoda koronavirus aniqlangani haqida xabar berilgan edi. Eslatib o‘tamiz, koronavirus sabab Shengen zonasi va Yevropa Ittifoqining tashqi chegaralari 17-martdan kirish uchun yopildi.

1 2 3 4 5 Категория: Har-Hil | Просмотров:526 | Добавил: moderator | Теги: yangilik | Рейтинг: 0.0/0

Всего комментариев: 0