Главная » 2020 » Mart » 28 » Belgiyadagi elchixona o‘zbekistonliklarni charter reysni tashkillashtirish masalasida biroz sabr qilishga chaqirdi

---

10:53 Belgiyadagi elchixona o‘zbekistonliklarni charter reysni tashkillashtirish masalasida biroz sabr qilishga chaqirdi

O‘zbekistonning Bryussel shahridagi elchixonasi bergan ma’lumotga ko‘ra, 2020-yilning 16-martidan boshlab diplomatik vakolatxona huzurida 24 soatlik rejimda O‘zbekiston fuqarolarining murojaatlariga tezkor javob qaytarish shtabi faoliyat ko‘rsatmoqda. TIV matbuot xizmatining yozishicha, ular bilan telefon va internet orqali doimiy aloqada bo‘lib turilibdi, ijtimoiy tarmoqlarda (Telegram va WhatsApp) ochilgan kanallarda holat haqidagi dolzarb axborotlar muntazam tarqatilmoqda va zaruriy konsultativ yordam ko‘rsatilmoqda. Shuningdek, Belgiya, Niderlandiya, Lyuksemburg va Daniya rasmiy idoralari tomonidan joriy qilingan karantin rejimiga amal qilish bo‘yicha batafsil tushuntirish berilmoqda. Hozirda shtab tomonidan vatanga qaytish istagini bildirgan O‘zbekiston fuqarolari ro‘yxati shakllantirilmoqda. Shu bilan birga diplomatik vakolatxona o‘zbekistonliklarni charter reysini tashkillashtirish masalasida biroz sabr qilishga va ijtimoiy tarmoqlarda fuqarolarni chalg‘ituvchi asossiz ma’lumotlarni tarqatmaslikka chaqirdi. Benilyuks va Daniya hududida bo‘lib turgan O‘zbekiston fuqarolarining vizalarini uzaytirish masalalarini tezkorlik bilan hal qilish maqsadida shtab mazkur davlatlarning migratsiya xizmatlari bilan doimiy aloqada bo‘lib turgani eslatib o‘tilgan. Avvalroq TIV vaziyat tarangligicha qolgan Turkiyadagi o‘zbekistonliklarga murojaat qilib, fuqarolarni biroz sabrli va matonatli bo‘lishga, tinchlik va osoyishtalikni saqlashga chaqirgandi.

1 2 3 4 5 Категория: Har-Hil | Просмотров:551 | Добавил: moderator | Теги: yangilik | Рейтинг: 0.0/0

Всего комментариев: 0