Главная » 2020 » May » 12 » Beeline nima sababdan 91 nafar xodimi karantinga olinganiga izoh berdi

---

22:33 Beeline nima sababdan 91 nafar xodimi karantinga olinganiga izoh berdi

Koronavirusga gumonlangani sababli Beeline kompaniyasining Toshkent shahrida faoliyat yuritadigan 91 nafar xodimi Yuqori Chirchiq tumanidagi karantin zonasida karantinga olingan. Bu haqda Toshkent viloyat hokimligi ma’lum qildi. Beeline kompaniyasi tomonidan ma’lum qilinishicha, mamlakatda karantin choralari joriy qilingandan keyin xodimlar xavfsizligi va kompaniya faoliyatining uzluksizligini ta’minlash maqsadida kompaniya maksimal darajada xodimlarini masofadan ishlashga o‘tkazgan. "Ammo tezkor vazifalar bizni va jamoaning bir qismini ofisda bo‘lishga majbur qiladi. Afsuski, amaliyot shuni ko‘rsatadiki, COVID-19’dan hech kim himoyalanmagan”, — deyiladi kompaniya xabarida. Kompaniya tomonidan bildirilishicha, xodimlar koronavirusga chalingan bo‘lishi mumkinligi xavfi paydo bo‘lishi bilanoq ommaviy test o‘tkazilgan. Shundan so‘ng kompaniya Sog‘liqni saqlash vazirligining o‘z xodimlarini 14 kunlik karantinga joylashtirish bo‘yicha ko‘rsatmalariga amal qilgan. "Vaziyat nazorat ostida. Biz ular bilan doimiy aloqadamiz va ularga zarur yordamni taqdim etamiz. Odamlar bu kompaniyaning eng qimmatli resursidir”, — deya izoh bergan "Beeline O‘zbekiston” rahbari Sergey Afonin. Kompaniyaning qo‘shimcha qilishicha, kompaniya ofislarida zarur va tavsiya etilgan ehtiyot choralari ko‘rilgan, "Beeline O‘zbekiston” odatdagi rejimda ishlamoqda. O‘zbekistonda 12-may soat 16:00 holatiga ko‘ra, koronavirusga chalinganlar soni 10 kishiga ko‘payib, 2519 nafarga yetdi. O‘zbekistonda koronavirus infeksiyasi ilk bor qayd etilgan 15-martdan buyon 2040 kishi kasallikdan sog‘aydi, 10 kishi esa infeksiya asoratlari oqibatida vafot etgan.

1 2 3 4 5 Категория: Har-Hil | Просмотров:633 | Добавил: moderator | Теги: yangilik | Рейтинг: 0.0/0

Всего комментариев: 0