Главная » 2021 » Yanvar » 17 » Bayden va Eron yadro kelishuvini tiklash bo‘yicha muzokaralar o‘tkazmoqda - OAV

---

10:53 Bayden va Eron yadro kelishuvini tiklash bo‘yicha muzokaralar o‘tkazmoqda - OAV

AQShning saylangan prezidenti Jo Baydenning maslahatchilari Eron bilan yadro kelishuvini tiklash bo‘yicha muzokaralar boshlashdi. Bu haqda Isroilning 21-telekanali ma'lum qildi.  Kanal ma'lumotlariga ko‘ra, AQShning rasmiy shaxslari Baydenning inauguratsiyasidan bir nech kun oldin Isroilga Tehron bilan yadro kelishuvi bo‘yicha muloqot tiklangani haqidagi axborotni berishgan. O‘z navbatida, Isroil yadro kelishuvi kengaytirilib, unda Eronning ballistik raketalar dasturi va terrorchilik faoliyatini qo‘llab-quvvatlashiga cheklovlar kiritilishiga erishmoqchi. AQSh Eron bilan boyitilgan uran ishlab chiqarilishini cheklash bo‘yicha 2015 yilda tuzilgan yadro kelishuvidan 2018 yilda chiqib ketgandi.  2020 yil noyabr oxirida esa Eron shimolida mamlakatning "yadro dasturi otasi” deb atalgan yadrochi olim Muhsin Fahrizoda o‘ldirilgandi. Tehronda olimning o‘ldirilishiga Isroil aloqador deb hisoblanmoqda. Shundan keyin Eron yanvarda Fordodagi yadro obektida 20 foizgacha boyitilgan uran ishlab chiqarilishini yo‘lga qo‘ydi. AQSh davlat departamentida bu Eron tomonidan "yadroviy tovlamachilik” deb atalgan va Eronning yadro dasturi muqarrar muvaffaqiyatsizlikka uchrashi aytilgan.

1 2 3 4 5 Категория: Har-Hil | Просмотров:422 | Добавил: moderator | Теги: yangilik | Рейтинг: 0.0/0

Всего комментариев: 0