Kecha tunda Ispaniya chempionatining qoldirilgan 34-turidan o‘rin olgan ikki uchrashuv bo‘lib o‘tdi. Uch kun oldin "Nou Kamp”da "Real” bilan o‘ynagan "Barselona” yana uy stadionida mehmon kutib oldi. "Vilyarreal” "Barselona”ni yengish uchun Kataloniyaga kelgan edi, ammo...
Koutino, Paulino, Dembele (dubl), Messining gollari kataloniyaliklarga yirik hisobda g‘alabani taqdim etdi va shu tariqa, "Barselona” ushbu mavsumdagi mag‘lubiyatsiz seriyasini davom ettirdi.
Ispaniya chempionati, 34-tur.
"Barselona” – "Vilyarreal” 5:1.
Gollar: Koutino (11), Paulino (16), Messi (45), Dembele (87, 90) – Sansone (54).
"Barselona”: Sillessen, Pike (Mina, 80), Din, Nelson Semedu, Vermalen, Inyesta (Suares, 61), Buskets (Rakitich, 65), Koutino, Paulino, Dembele, Messi.
"Vilyarreal”: Asenxo, Alvaro Gonsales, Kosta, Mario Gaspar, Ruis, Rodri Ernandes, Trigeros (Xavi Fuego, 57), Fornals, Kastilyexo, Cherыshev (Sansone, 46), Bakka (Unal, 70).
Ogohlantirishlar: Ruis (44), Xavi Fuego (72), Mario Gaspar (82).
Shuningdek, bugun Kataloniya safaridan bir ochko bilan qaytgan "Real” ham maydonga tushdi va "Sevilya” jamoasi bilan o‘yinda sharmandalikdan zo‘rg‘a qutulib qoldi. Maydon egalari 84-daqiqaga qadar uchta gol urib bo‘lishgan edi, ammo "qirollik klubi” zaxiradan Sebalos o‘rniga Mayoralni tashladi.
U esa darhol "Real” foydasiga gol urdi, keyin Ramos qo‘shimcha daqiqalarda belgilangan ikkinchi penaltini amalga oshirdi. "Real” sardori 58-daqiqada ilk penalti zarbasini ko‘kga sovurgandi. Ustiga-ustak Ramos 84-daqiqada o‘ziga gol ham urib qo‘ydi. Shu harakatlari bilan Serxio Ramos ushbu o‘yinda har ikki jamoa qahramoniga aylandi desak, adashmagan bo‘lamiz.
"Sevilya” – "Real Madrid” 3:2.
Gollar: Ben-Yedder (26), Layyun (45), Ramos (84, avtogol) –Mayoral (87), Ramos (90+5, penalti).
"Sevilya”: Soriya, Langle, Parexa, Eskudero, Merkado, Nzonzi, Pisarro, Vaskes (Mesa, 79), Layyun, Muriel (Sandro Ramires, 62), Ben-Yedder (Karrisu, 81).
"Real Madrid”: Kasilya, Valyexo, Teo, Nacho, Ramos, Sebalos (Mayoral, 70), Kazemiro (Lorente, 87), Vaskes, Kovachich, Asensio, Benzema.
Ogohlantirishlar: Merkado (42), Pisarro (69), Ramos (83), Eskudero (90).
Amalga oshirilmagan penalti: Ramos (58).