Главная » 2016 » Avgust » 30 » Barak Obamadan tortib BAA Bosh vazirigacha Prezident Islom Karimovga bayram tabriklarini jo‘natishdi

---

18:01 Barak Obamadan tortib BAA Bosh vazirigacha Prezident Islom Karimovga bayram tabriklarini jo‘natishdi

O‘zbekiston Respublikasi Mustaqilligining 25 yilligi munosabati bilan O‘zbekiston Respublikasi Prezidenti Islom Karimov nomiga xorijiy davlatlar va hukumatlar, nufuzli xalqaro tashkilotlar rahbarlari, taniqli jamoat arboblari, ishbilarmon va akademik doiralar vakillaridan samimiy qutlovlar kelib turibdi. Ularda Prezidentga baxt-saodat va muvaffaqiyatlar, O‘zbekiston xalqiga tinchlik-omonlik, doimiy ravnaq hamda farovonlik kabi ezgu istaklar izhor etilgan. Bu haqda O‘zA xabar bermoqda.   Xususan, Amerika Qo‘shma Shtatlari Prezidenti Barak Obamaning maktubida shunday deyiladi:   O‘zbekiston Respublikasi Prezidenti Islom Karimov Janobi Oliylariga Prezident Janobi Oliylari!   1 sentyabrda nishonlanadigan O‘zbekiston mustaqilligining 25 yilligi munosabati bilan Amerika Qo‘shma Shtatlari xalqi nomidan Sizga va O‘zbekiston xalqiga qizg‘in tabriklarimni yo‘llayman. Mamlakatingiz bu tarixiy sanani bayram qilayotgan shu kunlarda biz O‘zbekiston mustaqilligi, suvereniteti va hududiy yaxlitligini doimo qo‘llab-quvvatlashimizni yana bir bor ta'kidlaymiz. Amerika Qo‘shma Shtatlari 1991 yilning 25 dekabrida birinchilardan bo‘lib O‘zbekiston mustaqilligini tan olgan paytdan boshlab mamlakatlarimiz o‘rtasida mustahkam sheriklik munosabatlari o‘rnatilgan. Mamlakatlarimizning yanada xavfsiz, farovon va demokratik kelajak yo‘lidagi hamkorligi uzoq yillar davom etishiga ishonaman. Amerika Qo‘shma Shtatlari xalqi Sizni mustaqil O‘zbekiston tarixidagi ushbu muhim sana bilan muborakbod etadi.   Ehtirom bilan, Barak Obama Amerika Qo‘shma Shtatlari Prezidenti                                                                                Xitoy Xalq Respublikasi Raisi Si Szinpin yo‘llagan maktubda shunday qayd etiladi:   O‘zbekiston Respublikasi Prezidenti Islom Karimov Janobi Oliylariga   Prezident Janobi Oliylari! O‘zbekiston Respublikasi mustaqilligining 25 yilligi munosabati bilan Xitoy xalqi va shaxsan o‘zim nomimdan Siz va do‘st O‘zbekiston xalqiga samimiy tabriklarim va qizg‘in tilaklarimni izhor etaman. Mustaqillikning 25 yili davomida janob Prezident rahnamoligida O‘zbekistonda siyosiy barqarorlik va jadal iqtisodiy taraqqiyot saqlanib, mamlakatning xalqaro nufuzi salmoqli darajada yuksaldi, davlat qurilishi sohasida yorqin muvaffaqiyatlarga erishilmoqda. Amaliyot shuni ko‘rsatmoqdaki, janob Prezident tomonidan ishlab chiqilgan taraqqiyotning "o‘zbek modeli” mamlakatdagi real voqyeliklarga mos keladi va ulkan hayotiy kuchga egadir.   So‘nggi yillarda Xitoy – O‘zbekiston munosabatlarida yaxshi rivojlanish tendensiyalari saqlanib turibdi va yangi strategik darajaga erishildi. Xitoy va O‘zbekiston aloqalari rivojlanib borayotgani va o‘rtamizdagi samimiy do‘stlikni yuksak qadrlayman. Xitoy – O‘zbekiston munosabatlarida yuksak samaralarga erishish va xalqlarimiz farovonligi yo‘lida keng ko‘lamli strategik sheriklikni izchil rivojlantirish uchun Siz bilan doimo barcha sa'y-harakatlarni qilishga tayyorman. Mamlakatingizga ravnaq va yuksak salohiyat, xalqingizga baxt-saodat va farovonlik tilayman. Prezident Janobi Oliylari, Sizga mustahkam sog‘lik va ishlaringizda muvaffaqiyat tilab qolaman.                                                                                                   Si Szinpin, Xitoy Xalq Respublikasi raisi                                                                                                  YUqoridagilardan tashqari O‘zbekiston Respublikasi Mustaqilligining 25 yilligi munosabati bilan quyidagilar Prezident Islom Karimovga tabriklarini yo‘llashgan: Germaniya Federativ Respublikasi Federal Prezidenti –Yoaxim Gauk Polsha Respublikasi Prezidenti – Andjey Duda Birlashgan Arab Amirliklari Prezidenti – Xalifa bin Zoid Ol Nahayon   Birlashgan Arab Amirliklari Vitse-prezidenti, Bosh vaziri, Dubay Amirligi hokimi – Muhammad bin Roshid Ol Maktum   Abu-Dabi Valiahdi, Birlashgan Arab Amirliklari Qurolli kuchlari bosh qo‘mondoni o‘rinbosari – Muhammad bin Zoid Ol Nahayon Jazoir Xalq Demokratik Respublikasi Prezidenti –Abdulaziz Buteflika Turkmaniston Prezidenti – Gurbanguli Berdimuhamedov Tojikiston Respublikasi Prezidenti – Imomali Rahmon Ozarbayjon Respublikasi Prezidenti – Ilhom Aliyev   Belarus Respublikasi Prezidenti – Aleksandr Lukashenko Ukraina Prezidenti – Pyotr Poroshenko Afg‘oniston Islom Respublikasi Prezidenti –Muhammad Ashraf G‘ani   Mustaqil Davlatlar Hamdo‘stligi Ijroiya qo‘mitasi raisi – Ijrochi kotibi – Sergey Lebedev   Jahon sayyohlik tashkiloti Bosh kotibi – Tolib Rifai   Energetika xartiyasi bosh kotibi – Urban Rusnak   Amerika – O‘zbekiston savdo palatasi raisi – Kerolin Lemm Amerika – O‘zbekiston savdo palatasi prezidenti –Stiven Naderni   "MAKSAM” kompaniyasining prezidenti va ijrochi direktori – Xose Fernando Sanches-Xunko   "Xuavey Teknolodjiz Ko.Ltd” kompaniyasi prezidenti – Jen Chjenfey   "NEK Korporeyshn” kompaniyasi prezidenti – Nobuxiro Endo Yaponiya tibbiy uskunalar sohasida tashqi texnik ko‘mak bo‘yicha tashkiloti raisi (OMETA) –Ken'ichi Matsumoto   Germaniya – O‘zbekiston ishbilarmonlar kengashi ijrochi direktori, "Doyche Kabel AG Tashkent” qo‘shma korxonasi investori – Falk Porshe "Pikanol” kompaniyasi bosh ijrochi direktori – Lyuk Tak   "Turkiston – Amerika assotsiatsiyasi” raisi – Abdulla Xo‘ja AQSH va Kanada Buxoro yahudiylari kongressi prezidenti – Boris Kandov G.V.Plexanov nomidagi Rossiya iqtisodiyot universitetining rektori – Viktor Grishin Markaziy Osiyo bo‘yicha Kembrij forumi raisi –Siddxart Saksena Konrad Adenauer nomidagi jamg‘armaning Markaziy Osiyo bo‘yicha mintaqaviy vakolatli vakili – Tomas Kunse Yevropa Ittifoqining O‘zbekiston Respublikasidagi delegatsiyasi rahbari – Yuriy Shterk   Qutlovlar kelishi davom etmoqda, deyiladi xabarda.

1 2 3 4 5 Категория: Har-Hil | Просмотров:2439 | Добавил: Admin | Теги: Barak Obamadan tortib BAA Bosh vazi | Рейтинг: 5.0/1

Всего комментариев: 0