Главная » 2022 » Noyabr » 18 » Bangkokda xalqaro sammit oldidan boshlangan norozilik namoyishlari politsiya bilan to‘qnashuvga aylanib ketdi

---

20:15 Bangkokda xalqaro sammit oldidan boshlangan norozilik namoyishlari politsiya bilan to‘qnashuvga aylanib ketdi

Tailand poytaxti Bangkokda AQSH, Xitoy va Tinch okeanining boshqa 19 davlati rahbarlari uchrashadigan Osiyo—Tinch okeani iqtisodiy hamkorligi (APEC) sammiti o‘tkaziladigan joydan bir necha yuz metr narida demokratiya tarafdorlari namoyish o‘tkazdi. Namoyishlar politsiya bilan to‘qnashuvga aylanib ketdi. Namoyishchi guruhlar bosh vazir Prayut Chan-Ochaning siyosatiga qarshi chiqib, uning iste’fosini hamda umumiy saylovlar o‘tkazishni talab qilmoqda. Shuningdek, ular siyosiy mahbuslarni ozod qilishni va qirollik oilasini haqorat qilish yoki tuhmat qilganlik uchun 15 yilgacha qamoq jazosini nazarda tutuvchi qonunga o‘zgartirish kiritish talabini ilgari surmoqda. Namoyishchilar Bangkokda o‘tkazilayotgan sammitni "yolg‘onlar festivali” deb atadi. Mitinglarning kengayishiga yo‘l qo‘ymaslik uchun poytaxt bo‘ylab o‘n minglab politsiya va harbiy xizmatchilar joylashtirildi. Ular odamlarni tarqatish uchun turli usullarni qo‘llamoqda. Bangkokda Osiyo-Tinch okeani iqtisodiy hamkorligi sammiti 18-noyabr kuni boshlanadi. Sammitning asosiy tadbirlari sifatida 18 va 19-noyabr kunlari ikkita yalpi majlis bo‘lib o‘tadi. Birinchi majlis mavzusi "Muvozanatli, inklyuziv va barqaror o‘sish”. Ikkinchi sessiya savdo va investitsiyalarni rivojlantirishga bag‘ishlanadi. Sammit dasturida, shuningdek, delegatsiyalar rahbarlarining APEC Ishbilarmonlar maslahat kengashi bilan uchrashuvi ham ko‘zda tutilgan. APEC — Osiyo-Tinch okeani mintaqasidagi 21 ta davlat iqtisodi uchun mintaqaviy savdo va investitsiyalarni erkinlashtirish bo‘yicha hamkorlik forumidir. Unda Avstraliya, Bruney, Kanada, Indoneziya, Yaponiya, Koreya Respublikasi, Malayziya, Yangi Zelandiya, Filippin, Singapur, Tailand, AQSH, Tayvan, Gonkong, Xitoy, Meksika, Papua-Yangi Gvineya, Chili, Peru, Rossiya, Vyetnam ishtirok etadi.

1 2 3 4 5 Категория: Har-Hil | Просмотров:219 | Добавил: moderator | Теги: yangilik | Рейтинг: 0.0/0

Всего комментариев: 0