Главная » 2020 » Fevral » 16 » Bag‘doddagi AQSh elchixonasiga raketa zarbalari berildi

---

16:07 Bag‘doddagi AQSh elchixonasiga raketa zarbalari berildi

AQShning Bag‘doddagi elchixonasi hududi yaqiniga raketalar quladi, deya xabar bermoqda Al Arabiya. Reuters xabariga ko‘ra, snaryadlar diplomatik missiya binosi yaqinida joylashgan AQSh boshliq koalitsiyaga tegishli harbiy bazaga yo‘naltirilgan bo‘lgan. Bag‘doddagi Amerika elchixonasi oldiga raketalar qulagani haqidagi xabarlarni AQSh harbiylari orasidagi manbalarga asoslanib, Agence France-Presse ham tasdiqladi. Hodisa oqibatida jabrlanuvchilar bormi yoki yo‘q, hozircha noma’lum. Al Hadath nashri ma’lumotlariga ko‘ra, elchixona tomon to‘rtta "Katyusha” raketasi uchirilgan. Nashrning qo‘shimcha qilishicha, raketa zarbalaridan so‘ng Bag‘doddagi elchixonalar joylashgan "yashil hudud”da sirena yoqilgan va shahar uzra harbiy vertolyotlar uchib o‘tgan. Yanvar oyi davomida Iroq poytaxtidagi "yashil hudud” bir necha bor raketa zarbalariga uchragan edi. 21-yanvarga o‘tar kechasi Reuters manbalari Bag‘dod chekkasidagi Zafaraniya tumanidan diplomatik missiyalar binolariga qarata snaryadlar uchirilganini ma’lum qilgan edi. Oy oxirida esa OAV Amerika elchixonasi oldidagi hududga beshta raketa qulagani haqida yozdi. Al Arabiya suhbatdoshlari snaryadlardan biri diplomatik missiyaning restoraniga kelib urilganini ma’lum qildi. AQSh Davlat departamenti esa hodisa oqibatida bir kishi tan jarohati olganini tasdiqladi.

1 2 3 4 5 Категория: Har-Hil | Просмотров:522 | Добавил: moderator | Теги: yangilik | Рейтинг: 0.0/0

Всего комментариев: 0