Avtobus filni bosib o‘ldirdi - 4 Октября 2016 - www.Nozim-Studio.com

Главная » 2016 » Oktyabr » 4 » Avtobus filni bosib o‘ldirdi

08:48 Avtobus filni bosib o‘ldirdi
Kecha, 2 oktyabr kuni Tailandda Bangkokdan Chang Mai tomon ketayotgan sayyohlik avtobusi 8 yoshli Plai Udom laqabli filni urib yubordi. Katta tezlikda ketayotgan avtobus g‘ildiraklari ostida qolgan fil o‘sha zahotiyoq jon bergan. Guvohlarning so‘zlariga ko‘ra, filning e'tiborini qorong‘uda, uzoqdan kelayotgan ikki qavatli avtobusning chiroqlari tortgan va aynan shu sabab jonivor avtobusga yaqinlashmoqchi bo‘lgan. "Biz butun yo‘l davomida hech qanday muammoga uchramadik. Biroq manzilga yetay deganimizda, avtobus bahaybat bir narsaga urilganini sezdik. Mashina to‘qnashuvdan keyin ham yana 40 metrcha yurdi. Katta tezlikda kelayotganimiz sabab, avtobusni, garchi g‘ildiraklar ostida fil bo‘lsa ham to‘xtatishning imkoni bo‘lmadi. Bechora, jonivor! Bu vaziyat haydovchiga biroz ziyraklik yetishmagani sababli sodir bo‘ldi. Agar haydovchi qarshisiga kelayotgan filni ko‘rib, avtoulovni to‘xtatganida, bunday ko‘ngilsizlikning oldi olingan bo‘lardi. Uning avtobusni to‘xtatishga imkoni bor edi”, deydi sayyohlardan biri. Tabiiyki, kutilmagan to‘qnashuv sababli, avtobus haydovchisi, transport vositasi ichida ketayotgan chamasi 25 nafar sayyoh ham jarohat olgan. Ma'lumot uchun, filni kichikligidan boqib katta qilgan egalari bir necha kundan so‘ng, uni erkinlikka, jungliga qo‘yib yuborishga qaror qilishgan edi.
1 2 3 4 5 Категория: Har-Hil \| Просмотров:1438 \| Добавил: Admin \| Теги: Автобус филни босиб ўлдирди \| Рейтинг: 0.0/0