Главная » 2016 » Iyul » 30 » Asal Shodiyeva va Munisa Rizayevaning muammosi Farrux Komilovning boshiga tushdi

---

21:21 Asal Shodiyeva va Munisa Rizayevaning muammosi Farrux Komilovning boshiga tushdi

Xonanda tahririyatimizga ijtimoiy tarmoqlardagi shaxsiy sahifasi noma'lum kimsalar tomonidan o‘zlashtirilgani va bu qator muammolarga sabab bo‘layotganini ma'lum qildi. Xonanda Farrux Komilov  Instagram ijtimoiy tarmog‘idagi shaxsiy sahifasini kimdir o‘zlashtirgani haqida xabar qildi.   "Sahifam o‘zimda emas, ayni damda uni qaytarib olish harakatidamiz. Shu sohaning mutaxassislariga murojaat qildim. Internetga unchalik bog‘lanib qolmaganman-u shunchaki mening nomimdan boshqalarga nojo‘ya gaplar yozilayotgani tashvishga solyapti. Biroz avval, birovning oilasi haqida mening nomimdan qo‘pol gaplar yozishganini aytishdi”, deydi Komilov.   Ayni damda Farrux Komilovning ijodiy jamoasi vakillari, xususan, otasi, O‘zbekistonda xizmat ko‘rsatgan artist Ravshan Komilov va ma'muri Diyor Ortiqov san'atkorlarni va muxlislarni xonandaning Instagram’dagi sahifasi noma'lum kimsalar qo‘liga o‘tganini aytib, undan keladigan xabarlarga ishonib qolmaslikka chaqirishmoqda.   Avvalroq, bunday holat aktrisa Asal Shodiyeva va xonanda Munisa Rizayeva bilan ham kuzatilgan edi. Shodiyeva sahifasini qaytarib oldi. Biroq Rizayevaning ijtimoiy tarmoqlardagi sahifasini noma'lum kimsalar o‘zlashtirishi bilan bog‘liq xabarlar yolg‘on bo‘lib chiqdi. U yangi sahifa ochdi, bu sahifada odamlar ko‘paygach, eskisini tikladi va yangi sahifani o‘zi ochgan do‘konga "hadya” etdi.   O‘ylashimizcha, Farrux Komilov ham Instagram’dagi sahifasini yo‘qotish orqali piar qilmayapti.

1 2 3 4 5 Категория: Har-Hil | Просмотров:1943 | Добавил: Admin | Теги: Asal Shodiyeva va Munisa Rizayevani | Рейтинг: 0.0/0

Всего комментариев: 0