Главная » 2021 » Yanvar » 21 » AQShda uchuvchilar tomonidan videoga olingan “uchar odam” aslida nima ekanligi ma’lum bo‘ldi

---

20:27 AQShda uchuvchilar tomonidan videoga olingan “uchar odam” aslida nima ekanligi ma’lum bo‘ldi

Uchuvchilar tomonidan 2020-yilda videoga olingan g‘ayrioddiy uchar obyektni o‘rganish uchun AQShda surishtiruv ishlari o‘tkazilib, u dron-maneken bo‘lgani aniqlandi, deb xabar beradi Hi-Tech.Mail.ru. AQSh Fuqarolik aviatsiyasi federal boshqarmasining (FAA) aviadispetcherlik xizmatlari bilan amalga oshirgan yozishmalariga ko‘ra, "reaktiv kiyimdagi sirli inson” dron-maneken bo‘lib chiqdi. Buni uchuvchilardan biri FQBga obyekt YouTube’dagi roliklarda tasvirlangan dronga o‘xshashini aytganidan so‘ng aniqlashga muvaffaq bo‘lishgan. Uchuvchi aynan qaysi rolik haqida aytgani noma’lum. Noodatiy obyekt va dron-maneken rostdan ham bir-biriga o‘xshaydi. Sirli uchar obyektning sifatli kadrlari bo‘lmagani sabab ularni solishtirib ko‘rishning imkoni yo‘q. Ushbu noodatiy hodisada ishtirok etgan uchuvchilardan birining so‘zlariga ko‘ra, ular akademiyadan Santa-Katalina oroliga qarab standart marshrut bo‘yicha harakatlanayotgan bo‘lgan. Parvoz vaqtida ular havodagi noodatiy obyektga duch kelgan. U reaktiv kiyim kiyib olgan yigitga o‘xshash bo‘lib, taxminan 1 kilometr balandlikka ko‘tarilgach samolyotning o‘ng tomonidan uchib o‘tgan va ko‘zdan yo‘qolgunga qadar parvozni davom ettirgan.

1 2 3 4 5 Категория: Har-Hil | Просмотров:551 | Добавил: moderator | Теги: yangilik | Рейтинг: 0.0/0

Всего комментариев: 0