Главная » 2020 » Aprel » 22 » AQShda bir sutka ichida koronavirus oqibatida 2751 kishi vafot etdi

---

14:17 AQShda bir sutka ichida koronavirus oqibatida 2751 kishi vafot etdi

AQShda o‘tgan bir sutka ichida 2,7 mingdan ortiq bemor koronavirus oqibatida vafot etdi. Bu haqda Jons Hopkins universiteti ma’lumotlarida keltirilgan. Foto: Reuters Ma’lumotlarga ko‘ra, o‘tgan bir sutka ichida 2751 kishi koronavirus qurboniga aylangan. Ta’kidlanishicha, AQShda koronavirus bilan kasallanganlar soni 825 ming kishidan oshib ketdi. Mamlakat COVID-19 bilan kasallanganlar bo‘yicha dunyoda birinchi o‘rinda ketmoqda. Butun dunyoda esa koronavirus bilan kasallanganlar 2,5 milliondan oshdi. AQSh ortidan Ispaniya 204 ming bemor bilan o‘rin olgan bo‘lsa, uchinchi o‘rinda — Italiya (qariyb 184 ming) joylashgan. Eslatib o‘tamiz, 15—16-aprel kunlari mamlakatda koronavirus qurbonlari soni bo‘yicha kunlik antirekord yangilangan edi — bir sutkada qariyb 4,6 ming bemor vafot etgan. Avvalroq AQShda koronavirusning ikkinchi to‘lqini birinchisidan ham xatarli bo‘lishi mumkinligi taxmin qilingandi. Missuri shtati bosh prokurori esa koronavirus sabab Xitoyni sudga berdi. Mavzuga doir: JSST vakili koronavirus bilan bog‘liq o‘lim holatlarining hisob-kitobi qanday olib borilayotganini tushuntirdi O‘zbekistonda 22-aprel soat 10:00 holatiga ko‘ra, koronavirus infeksiyasini yuqtirib olganlar soni 1692 kishiga yetdi. Mamlakatda 15-martdan buyon koronavirusga chalingan bemorlarning olti nafari vafot etdi, 357 nafari esa sog‘ayib, reabilitatsiyaga olingan. Xorijda kamida 73 o‘zbekistonlikda koronavirus aniqlangan (eng ko‘pi — 42 nafari Rossiyada), ularning to‘rt nafari vafot etgani ma’lum qilingan.

1 2 3 4 5 Категория: Har-Hil | Просмотров:560 | Добавил: moderator | Теги: yangilik | Рейтинг: 0.0/0

Всего комментариев: 0