AQShning Nyu-Xempshir  shtatida 9 yoshli egizaklarning amakisi o‘z jiyanlarini besh oy davomida uyda yolg‘iz qoldirdi,  deb "Gazeta.ru” xabar bermoqda.Erkak hozirda bolalar hayotini xavf ostiga qo‘yganlikda ayblanmoqda. Uyda quruq lag‘mondan tashqari hech qanday oziq-ovqat bo‘lmagan, buning ustiga, uy telefoni ham ishlamagan. Egizak bolalarning otasi xotini bilan Nigeriyaga safari davomida akasidan bolalarga qarab turishini so‘ragan. Ammo u bolalar bilan yashash o‘rniga, ulardan xabar olish uchun haftasiga bir necha marotaba kelgan xolos. Ota-ona pasport bilan bog‘liq muammolar tufayli yarim yillik safari tugashidan bir oy oldin qaytishga majbur bo‘lgan. Ayni paytda bolalar ota-onalari bilan birga. Ular farzandlarini amakisi qaramog‘iga topshirib ketganligi uchun, ota-onaga qarshi hech qanday ayblovlar bo‘lmaydi.