Главная » 2020 » Iyun » 20 » AQSh Yevropa bilan aviaqatnovlarni qayta yo‘lga qo‘yishni rejalashtirmayapti

---

21:12 AQSh Yevropa bilan aviaqatnovlarni qayta yo‘lga qo‘yishni rejalashtirmayapti

AQSh prezidenti Donald Tramp hozircha Yevropa Ittifoqi davlatlaridan keluvchilarga qo‘yilgan taqiqni bekor qilish niyatida emas. Bu haqda 19-iyun kuni o‘tkazilgan brifingda Oq uy matbuot kotibi Keyli Makinani ma’lum qildi. "Prezident qatnovlarga qo‘yilgan cheklov insonlar hayotini saqlab qolish uchun muhim ahamiyat kasb etganini biladi. Qariyb uch million odam vafot etishi mumkin edi va mamlakatlar orasidagi qatnovlarga qo‘yilgan mazkur cheklovlar amerikaliklarning hayotini saqlab qolishda muhim rol o‘ynadi”, — deydi Makinani. Uning ta’kidlashicha, Tramp muntazam ravishda ma’lumotlarni kuzatib bormoqda va hozircha cheklovlarni bekor qilish rejasi yo‘q. Eslatib o‘tamiz, mart oyining o‘rtalarida AQShda COVID-19 koronavirusining tarqalishi sabab Yevropa mamlakatlaridan keluvchilar uchun 30 kunga vaqtinchalik taqiq o‘rnatilgan edi. Aprel oyining oxirlarida esa Tramp immigrantlarning AQShga kirishi ikki oyga to‘xtatilganini ma’lum qilgan edi.

1 2 3 4 5 Категория: Har-Hil | Просмотров:522 | Добавил: moderator | Теги: yangilik | Рейтинг: 0.0/0

Всего комментариев: 0