Главная » 2023 » Fevral » 1 » AQSH Yelsinning Ukraina haqidagi bayonotini maxfiylikdan chiqardi

---

22:36 AQSH Yelsinning Ukraina haqidagi bayonotini maxfiylikdan chiqardi

AQSH Rossiyaning birinchi prezidenti Boris Yelsinning Ukraina haqidagi bayonotini maxfiylikdan chiqardi. Bu haqda AQSH Milliy xavfsizlik arxivi ma’lum qildi.  AQSH Milliy xavfsizlik arxivi Yelsinning 1992-yilda AQSH prezidenti Jorj Bush bilan birinchi ikki uchrashuvi stenogrammasi, sobiq Davlat kotibi Jeyms Beykerning jo‘natmalari, Amerikaning Moskvadagi elchixonasidan kelgan telegrammalar va Rossiya liberal islohotchisi, siyosiy arbob Yegor Gaydar bilan suhbatni ochiqlagan.  Maxfiylikdan chiqarilgan hujjatlardan ma’lum bo‘lishicha, 1990-yillar boshida Yelsin Ukrainani mamlakatni "asosiy beqarorlashtiruvchi omil” deb atagan. U nizolarni "tinchlik yo‘li bilan” hal etish tarafdori bo‘lgan. Biroq Yelsin "parlamentdagi millatchi guruhlar” xavfi haqida gapirgan. Rossiya sobiq rahbari Ukrainaning birinchi prezidenti Leonid Kravchukni qo‘llab-quvvatlagan, buni Kravchuk Oliy Radada Ukrainaparast kuchlar tomonidan duch kelgan "ichki bosimni tushungan”i bilan izohlagan. Suhbatlardan birida Yelsin Ukraina "bizning asosiy beqarorlashtiruvchi omilimiz” deb atagan. U Rossiya va Ukraina o‘rtasidagi munosabatlarda voqealarning Yugoslaviya versiyasi bo‘lmasligini qayd etgan. Xuddi shu mavzuda gapirgan Gaydar ikki tomonlama kelishmovchiliklarni bartaraf etish uzoq vaqt talab qilishini taxmin qilgan, ammo Bushni "Rossiya-Ukraina munosabatlarida Yugoslaviya tipidagi ssenariy amalga oshmaydi”, deb ishontirgan. Ma’lumot o‘rnida, 1992-yil 1-fevral kuni AQSH va Rossiya prezidentlari Jorj Bush va Boris Yelsin Sovuq urushni yakunlashga oid deklaratsiyani imzolagan edi. Ular ikki mamlakat endilikda bir-birini dushman sifatida ko‘rmasligi, do‘stlik hamda hamkorlikni yo‘lga qo‘yishi qayd etilgan hujjatga imzo qo‘ygan.

1 2 3 4 5 Категория: Har-Hil | Просмотров:356 | Добавил: moderator | Теги: yangilik | Рейтинг: 0.0/0

Всего комментариев: 0