Главная » 2023 » Yanvar » 6 » AQSH Ukrainaga yangi yordam doirasida “Dengiz chumchug‘i” raketalarini ham bermoqchi — Politico

---

20:15 AQSH Ukrainaga yangi yordam doirasida “Dengiz chumchug‘i” raketalarini ham bermoqchi — Politico

Ukraina navbatdagi qurollar paketining bir qismi sifatida AQSHdan nafaqat Oq uy tomonidan e’lon qilingan Bradley zirhli mashinalari va Patriot zenit komplekslarini, balki RIM-7 Sea Sparrow ("Dengiz chumchug‘i”) nomli boshqariladigan raketalarni ham oladi. Bu haqda Politico o‘z manbalariga tayanib xabar berdi. Havo nishonlarini tutib olishga mo‘ljallangan "Dengiz chumchug‘i” raketalari 1976-yilda AQSH qurollari safiga qo‘shilgan, ammo deyarli yarim asr o‘tibgina raketalarning takomillashtirilgan versiyalari AQSH dengiz floti va dengiz piyodalari korpusi, shuningdek, boshqa mamlakatlar flotlari tomonidan qo‘llanila boshlagan. Politico nashrining yozishicha, ukrainalik harbiylar bunday raketalarni kemalardan emas, balki yerdagi platformalardan uchirishi mumkin bo‘ladi. Nashr manbalarining xabar berishicha, Sovet davrida ishlab chiqilgan "Buk” komplekslarini uchirish qurilmalaridan "Dengiz chumchuqlari”ni uchirish uchun ham foydalansa bo‘ladi. Shu paytgacha faqat Tayvan "Dengiz chumchuqlari”dan quruqlikdagi havo mudofaa tizimining bir qismi sifatida foydalangan. Mamlakat 1990-yillarning boshida bunday raketalarning bir necha yuztasini olgan. Sea Sparrow — bu Raytheon korporatsiyasi tomonidan ishlab chiqilgan yarim faol radiolokatsion boshga ega "kema-havo” boshqariladigan raketa. AQSH harbiy-dengiz kuchlari raketaning masofasi va tezligini oshkor etmaydi, biroq ekspertlarning fikriga ko‘ra, raketaning yangi versiyalari tovush tezligidan to‘rt baravar uzib ketadi va 50 kilometrgacha bo‘lgan masofadagi samolyotlar va qanotli raketalarga zarba bera oladi. 6-yanvar kuni AP nashri AQSH Ukrainaga qariyb 3 milliard dollarlik harbiy yordam yubormoqchi ekani, u bir necha o‘nlab Bradley zirhli mashinalarini o‘z ichiga olishi haqida xabar bergan edi.

1 2 3 4 5 Категория: Har-Hil | Просмотров:179 | Добавил: moderator | Теги: yangilik | Рейтинг: 0.0/0

Всего комментариев: 0