Главная » 2020 » Mart » 7 » AQSh o‘z fuqarolariga koronavirus rasman qayd etilmagan Turkmanistonga bormaslikni tavsiya qildi

---

12:17 AQSh o‘z fuqarolariga koronavirus rasman qayd etilmagan Turkmanistonga bormaslikni tavsiya qildi

AQSh davlat departamenti koronavirus tarqalgani sababli fuqarolarga Turkmaniston va Ozarbayjonga bormaslikni tavsiya qildi, deb xabar bermoqda "RBK”. Rasmiy ma’lumotlarga ko‘ra, Turkmanistonda koronavirusga chalinganlar aniqlanmagan, Ozarbayjonda esa 6 kishi virus yuqtirgani qayd etilgan. Turkmanistonga tashrif buyurmaslik taklifi ushbu mamlakat hukumati tomonidan koronavirus tarqalishi sababli ko‘rilayotgan choralar bilan izohlandi. Amerika fuqarolari barcha xalqaro reyslar Ashxobodning bosh aeroportidan poytaxtdan 400 kilometr uzoqlikda joylashgan Turkmanobod (sobiq Chorjo‘y)ga yo‘naltirilgani to‘g‘risida ogohlantirilgan. U yerda koronavirusga chalinganlikda shubha qilingan taqdirda yo‘lovchilarga mahalliy tibbiy muassasalardan birida karantinga joylashish tavsiya etiladi. "Turkmanistondagi davolash usullari Amerika standartlariga javob bermaydi. Yo‘lovchilar koronavirus bilan bog‘liq bo‘lmagan tahlillarni o‘tkazishga majbur bo‘lishlari mumkin. COVID-19 bilan bog‘liq bo‘lmagan har qanday tahlillarni topshirishni rad etishni maslahat beramiz”, — deyiladi davlat departamenti xabarida. Shuningdek, Ozarbayjonda ham tibbiy yordam ko‘rsatish xizmati AQSh standartlariga muvofiq kelmasligi ta’kidlangan. Avvalroq Turkmanistonda koronavirusdan bir kishi vafot etgani haqida OAVlarda xabar tarqalgani, marhum haqidagi ma’lumotlar qat’iy sir saqlanayotgani, Gurbanguli Berdimuhamedov Turkmanistonda koronavirus tarqalishiga yo‘l qo‘ymaslikka chaqirgani xabar berilgan edi. JSST ma’lumotiga ko‘ra, 6-mart holati bo‘yicha dunyoda koronavirus bilan kasallanganlar soni 100 ming nafardan oshgan.

1 2 3 4 5 Категория: Har-Hil | Просмотров:553 | Добавил: moderator | Теги: yangilik | Рейтинг: 0.0/0

Всего комментариев: 0