Главная » 2020 » Iyun » 26 » AQSh Kongressida Vashingtonni 51-shtatga aylantirish bo‘yicha ovoz berish jarayonlari o‘tkaziladi

---

13:35 AQSh Kongressida Vashingtonni 51-shtatga aylantirish bo‘yicha ovoz berish jarayonlari o‘tkaziladi

AQSh Kongressining Vakillar palatasi 26-iyun kuni Vashington shahrining maqomini o‘zgartirish uchun ovoz beradi. Bu haqda palata spikeri Nensi Pelosiga tayanib, Fox News xabar berdi. "Biz demokratiyamizga qarshi bo‘lgan ushbu adolatsizlikka barham beramiz”, — deydi Pelosi. Uning so‘zlariga ko‘ra, Kolumbiya okrugi aholisi soliq to‘laydi, armiyada xizmat qiladi va AQShning iqtisodiy hayotiga ko‘maklashadi, biroq ularda ovoz berish huquqi mavjud emas. Vashingtonni shtatga aylantirish uchun ovoz berish jarayonlarini o‘tkazish tashabbusi Demokratlar partiyasidan bo‘lgan kongressmenlardan chiqqan. Bugungi kunda Amerika poytaxti Kolumbiya federal okrugi maqomiga ega va birorta shtat tarkibiga kirmaydi, bu esa shahar aholisiga federal kongressda o‘z nomzodlarini tanlash huquqidan mahrum qiladi. Qonun kuchga kirishi uchun AQSh parlamentining ikkala palatasi ham uni qo‘llab-quvvatlashi, shundan so‘ng mamlakat prezidenti tasdiqlashi kerak. Agarda bu sodir bo‘lsa, Vashington AQShning 51-shtatiga aylanadi. AQShdagi Kolumbiya federal okrugining aksariyat aholisi 2016-yilning 8-noyabr kuni bo‘lib o‘tgan referendum chog‘ida ma’muriy maqomni shtatga o‘zgartirish uchun ovoz bergan edi. Ma’lumot uchun, AQShda so‘nggi bor eng yangi shtatlar 1959-yili paydo bo‘lgan. O‘shanda Alyaska mamlakatning 49-shtati, Gavayi orollari esa 50-shtatiga aylangan.

1 2 3 4 5 Категория: Har-Hil | Просмотров:479 | Добавил: moderator | Теги: yangilik | Рейтинг: 0.0/0

Всего комментариев: 0