Главная » 2021 » Iyun » 22 » AQSh hayvonot bog‘ida artrit bilan og‘riydigan keksa pingvinga ortopedik oyoq kiyim tikib berildi. Endi u bemalol suzishi mumkin

---

21:09 AQSh hayvonot bog‘ida artrit bilan og‘riydigan keksa pingvinga ortopedik oyoq kiyim tikib berildi. Endi u bemalol suzishi mumkin

AQShning Sent-Luis shahrida joylashgan hayvonot bog‘i tashrif buyuruvchilari pingvinlardan biri oyoq kiyimda yurganiga e’tibor qaratdi. Ular bundan hayratga tushib, qushning suratini ijtimoiy tarmoqlarga joylagan. Post tezda virus kabi tarqalgani sabab hayvonot bog‘i xodimlari nima uchun Enrike laqabli pingvinga oyoq kiyim kiygizilganiga izoh berishga qaror qilgan, deb yozadi Glamour. Ma’lum bo‘lishicha, Enrike kamida 30 yoshga to‘lgan. Pingvinlar yovvoyi tabiatda o‘rtacha o‘n yil umr ko‘radi. Enrike artritdan aziyat chekadi (bo‘g‘imlar yallig‘lanishi), shu sabab uning panjalarida shishlar paydo bo‘lgan. Bu kabi holatda krem yordam bermagani uchun hayvonot bog‘i xodimlari unga suv o‘tkazmaydigan maxsus oyoq kiyim tikishga qaror qilgan. Shunday qilib, Enrikening qizil chiziqli qora oyoq kiyimi paydo bo‘lgan. Hayvonot bog‘i xodimlarining so‘zlariga ko‘ra, bu kabi rang boshqa qushlarni chalg‘itmaslik uchun tanlangan. Enrikega poyabzallar har kuni tongda kiydiriladi va uyquga ketishidan oldin yechib qo‘yiladi. "Enrike — ancha yuvosh pingvin. Oyoq kiyim kiygizib, nima bo‘lishini ko‘rish maqsadida uni yerga qo‘ydik. Avvaliga u bir nechta katta qadamlarni tashladi, keyin esa bemalol yurishni boshladi. O‘ylaymanki, u bunga qarshi emas”, — deydi hayvonot bog‘i veterinari Jimmi Jonson. Uning ta’kidlashicha, Enrike endilikda og‘riq sezmasdan bemalol suzishi mumkin. Avvalroq Antarktidada pingvin och kosatkalardan qochib, ichida turistlar bo‘lgan qayiq ichiga sakragani to‘g‘risida xabar berilgandi.

1 2 3 4 5 Категория: Har-Hil | Просмотров:385 | Добавил: moderator | Теги: yangilik | Рейтинг: 0.0/0

Всего комментариев: 0