Главная » 2023 » Yanvar » 29 » AQSH generali 2025-yil Xitoy bilan urush boshlanishini aytib, ofitserlarni tayyorlanishga chaqirdi

---

21:08 AQSH generali 2025-yil Xitoy bilan urush boshlanishini aytib, ofitserlarni tayyorlanishga chaqirdi

AQSH havo kuchlarining to‘rt yulduzli generali Mayk Minixan Amerika yaqin yillarda Xitoy bilan urushga kirishishini aytdi. Bu haqda NBC News xabar berdi. General qo‘l ostidagi ofitserlarga yuborgan hujjatda bu haqda ma’lumot bergan. Ikki sahifali ichki hujjatda Minixan 2023-yilda o‘ziga bo‘ysunuvchi jangovar bo‘linmalarning maksimal tezkor tayyorgarligini ta’minlash zarurligini aytgan. "Umid qilamanki, men adashyapman. Lekin intuitsiyam 2025-yilda jang qilishimizni aytmoqda", — deb yozgan AQSH Harbiy-havo kuchlari generali. Minixon fevral oyi davomida aviatsiya qo‘mondonligi xodimlaridan "yetti metrli nishonlarga" o‘q otishni mashq qilish orqali "boshni nishonga olish”ni talab qilgan. Hujjatda general 2024-yil Tayvan va AQSHda prezidentlik saylovlari o‘tkazilishini eslatib o‘tgan. Uning fikricha, Si Szinpin orolga hujum qilish uchun amerikaliklarning ichki siyosat bilan "chalg‘itishi”dan foydalanadi. AQSH Harbiy-havo kuchlari matbuot kotibi mayor Xoup Kronin oshkor qilingan hujjat soxta emasligini tasdiqladi. Shu bilan birga, u Minixonning nuqtayi nazari Pentagonning Xitoyga nisbatan qarashlarini aks ettirmasligini aytdi.

1 2 3 4 5 Категория: Har-Hil | Просмотров:66 | Добавил: moderator | Теги: yangilik | Рейтинг: 0.0/0

Всего комментариев: 0