Главная » 2020 » Fevral » 7 » AQSh “Al-Qoida” yetakchilaridan biri o‘ldirilganini ma’lum qildi

---

14:14 AQSh “Al-Qoida” yetakchilaridan biri o‘ldirilganini ma’lum qildi

AQSh Yamanda "Al-Qoida” terrorchilik tashkilotining Arabiston yarimorolidagi yetakchisi Qosim ar-Rimiy o‘ldirilganini ma’lum qildi, deb xabar beradi "Kommersant”. Amerika hukumati maxsus operatsiyaning qanday o‘tkazilganini ochiqlamagan. CNN’ning xabar berishicha, AQSh harbiylari 31-yanvar kuni jangarilarning pozitsiyasiga zarba bergan. Oq uyning ma’lum qilishicha, Yamandagi kontrterroristik operatsiya AQSh prezidenti Donald Trampning ko‘rsatmasiga asosan o‘tkazilgan. Vashingtonning ma’lumotlarga ko‘ra, Qosim ar-Rimiy bilan uning o‘rinbosari Ayman az-Zavahiriy ham o‘ldirilgan. Qosim ar-Rimiy "Al-Qoida”ga 1990-yillarda qo‘shilgan. Uning boshchiligida Yamandagi tinch fuqarolarga nisbatan terrorchilik harakatlari uyushtirilgan, shuningdek, u bir necha bor amerikalik harbiylarga hujum uyushtirishga uringan. Avvalroq "Al-Qoida” Floridadagi harbiy bazaga uyushtirilgan hujum bo‘yicha mas’uliyatni o‘z zimmasiga olgandi. Ko‘ngilsiz hodisa 2019-yilning dekabrida sodir bo‘lgan: saudiyalik harbiylar dengizchilarga qarata o‘t ochgan, uch kishi halok bo‘lgan, yana sakkiz kishi jarohat olgan edi.

1 2 3 4 5 Категория: Har-Hil | Просмотров:586 | Добавил: moderator | Теги: yangilik | Рейтинг: 0.0/0

Всего комментариев: 0