Главная » 2021 » May » 24 » Angrendagi YTHda 8 ta transport vositasi ishtirok etgan, 5 kishi halok bo‘lgan — FVV

---

12:19 Angrendagi YTHda 8 ta transport vositasi ishtirok etgan, 5 kishi halok bo‘lgan — FVV

Toshkent viloyatining Angren shahrida kamida oltita mashina ishtirokida sodir bo‘lgan yirik yo‘l-transport hodisasi haqida xabar berilgandi. Ushbu YTH yuzasidan Favqulodda vaziyatlar vazirligi ma’lumot berdi. Qayd etilishicha, 2021-yil 24-may kuni soat 09:30 larda Angren shahridan o‘tuvchi A-373 avtomobil yo‘lining 184-kilometrida Namangan–Toshkent yo‘nalishi bo‘yicha harakatlanayotgan MAN rusumli tirkamali yuk avtomobili boshqaruvini yo‘qotib, ag‘darilib, temiryo‘l kesishmasiga yetmay to‘xtagan. Oqibatda yuk mashinasi 3 ta Lacetti, 2 ta Nexia-3, Cobalt va Matiz rusumli avtomobillar bilan to‘qnashib, YTH sodir bo‘lgan. To‘qnashuvdan so‘ng Lacetti rusumli avtomobillardan biri yongan. YTH oqibatida 5 nafar fuqaro voqea joyida vafot etgan, 4 nafar fuqaro turli darajada tan jarohati olgan. Fuqarolarning shaxsiga aniqlik kiritilmoqda. Tan jarohati olgan fuqarolar Angren shahar Tibbiyot birlashmasiga yotqizilgan. Voqea joyiga Toshkent viloyati Favqulodda vaziyatlar boshqarmasi va Angren shahar Favqulodda vaziyatlar bo‘limi, IIB, Prokuratura va SSB hamda tezkor-tergov guruhi xodimlari chiqishgan. Sodir bo‘lgan YTH yuzasidan dastlabki tergovoldi tekshiruv ishlari olib borilmoqda. Bundan avval Jomboyda Cobalt piyodani urib yuborgani, Toshkentda yo‘lni ajratib turuvchi to‘siqqa urilgan Spark haydovchisi shifoxonada vafot etgani hamda Samarqandda Nexia va avtobus ishtirokida sodir bo‘lgan YTH oqibatida yengil mashina haydovchisi halok bo‘lgani haqida xabar berilgandi.

1 2 3 4 5 Категория: Har-Hil | Просмотров:477 | Добавил: moderator | Теги: yangilik | Рейтинг: 0.0/0

Всего комментариев: 0