Главная » 2023 » Iyul » 5 » Andijonda o‘qishga kiritishni vaʼda qilib, 4 ming dollar olgan OTM xodimi qo‘lga olindi

---

22:40 Andijonda o‘qishga kiritishni vaʼda qilib, 4 ming dollar olgan OTM xodimi qo‘lga olindi

Andijonda fuqaroni o‘qishga kiritishni vaʼda qilib, undan 4 ming dollar olgan OTM xodimi qo‘lga olindi.  Maʼlum bo‘lishicha, mazkur holat huquqni muhofaza qiluvchi organlar tomonidan o‘tkazilgan tezkor tadbirda fosh etilgan. Andijon davlat universitetining o‘quv uslubiy boshqarma inspektori Sh.I. fuqaroni go‘yoki o‘zining Toshkent shahridagi yuqori lavozimlarda ishlovchi tanishlari orqali universitet biologiya yo‘nalishining sirtqi bo‘limiga o‘qishga kiritib qo‘yishini vaʼda qilib, evaziga 4 ming AQSH dollari talab qilgan. 2023-yilning 3-iyul kuni DXX hamda Bosh prokuratura huzuridagi Iqtisodiy jinoyatlarga qarshi kurashish departamentining hududiy boshqarmasi xodimlari tezkor tadbirda Sh.I. talab qilingan pullarni olayotgan vaqtida uni ushlagan. Holat yuzasidan jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda. Avvalroq, Farg‘ona, Andijon, Guliston davlat universitetlari va "Narxoz”ga o‘qishga kiritib qo‘yish evaziga pul olgan shaxslar ushlangani xabar qilingandi.

1 2 3 4 5 Категория: Har-Hil | Просмотров:211 | Добавил: moderator | Теги: yangilik | Рейтинг: 0.0/0

Всего комментариев: 0