Главная » 2023 » Fevral » 24 » Amerikalik xonanda Selena Gomes Instagram’da eng ko‘p folloverga ega ayolga aylandi

---

21:41 Amerikalik xonanda Selena Gomes Instagram’da eng ko‘p folloverga ega ayolga aylandi

2023-yilning 23-fevral holatiga ko‘ra, Instagram ijtimoiy tarmog‘idagi eng ko‘p kuzatuvchiga ega ayol — mashhur amerikalik xonanda va aktrisa Selena Gomes deb topildi. Selena Gomesdan oldin bu maqom amerikalik tadbirkor va bloger Kayli Jennerga tegishli edi. Biroq Instagram’dagi eng ko‘p kuzatuvchisi bo‘lgan ayolni aniqlash vaqtida Kaylining sahifasidagi obunachilar soni 381 million kishidan oshmagani ma’lum bo‘lgan. Selena Gomesni esa 382 milliondan ortiq obunachi kuzatib boradi. Ommaviy axborot vositalari Selena Gomes o‘zining Instagram’dagi sahifasini mustaqil ravishda yuritmasligi haqida ma’lumot bergan. Chunki aktrisa bundan bir necha yil oldin ilovani o‘zi uchun zararli muhit deb bilganligi sababli uni telefonidan o‘chirib tashlagan. Selenaning profilidagi kontentlarni uning yordamchisi tarmoqqa joylaydi. Gomes esa faqat TikTok’dan foydalanadi va ushbu ijtimoiy tarmoqni o‘ziga "kamroq dushman” deb bilishini aytgan. "Insonlar meni xunuk yoki kaltafahm deb atashlari mumkin, bu men uchun ahamiyatsiz. Ammo insonlar hamma narsani batafsil tasvirlab berishadi. Ular shunday aniq va shafqatsiz gaplarni yozadi. Men doim yig‘lardim, tashvishim bor edi. Bundan boshqa ishni qilolmasdim. Bu vaqtimni behuda sarflash edi. Telefonimda bor yagona narsa — TikTok, chunki uni o‘zimga kamroq dushman deb bilaman. Ijtimoiy tarmoqlarda ajoyib narsalar: muxlislar bilan bog‘lanish, ular qanchalik baxtli va hayajonlanganligini ko‘rish, ularning hayotiy hikoyalarini kuzatib borish bor. Men buni filtrlashni boshladim va o‘zim uchun tizim yaratdim: har bir ishimni postlarni chop etadigan yordamchimga yuboraman”, — deydi Selena Gomes Vanity Fair nashriga bergan intervyusida.

1 2 3 4 5 Категория: Har-Hil | Просмотров:74 | Добавил: moderator | Теги: yangilik | Рейтинг: 0.0/0

Всего комментариев: 0