Главная » 2018 » May » 9 » Alisher Usmonovning O‘zbekistonga kirib kelishi Nanaydan boshlandi

---

19:02 Alisher Usmonovning O‘zbekistonga kirib kelishi Nanaydan boshlandi

O‘zbekiston Respublikasi Prezidenti Shavkat Mirziyoyev Namanganga tashrifi davomida Norin tuman hokimligida o‘tkazgan videoselektor yig‘ilishida Kosonsoy, Pop, Nanay, Zarkent, Poromon va viloyatdagi shu kabi tabiati bilan mashhur hududlarda turizmni rivojlantirish uchun amaliy ishlar qilinishi haqida taklifni qabul qilgan edi.   Prezident majlisdagi so‘zida Nanaydagi postni olib tashlash masalasi ko‘rib chiqilishi, hududning turizm salohiyatini rivojlantirish borasida esa USM Holdings asoschisi Alisher Usmonovga taklif berilishini bildirgan.   "Ha, juda o‘rinli taklif. Albatta, buni qo‘llab-quvvatlaymiz. Taklifni Alisher Usmonovga ham yetkazamiz. U kishining O‘zbekiston ayniqsa, Namangan deganda ko‘zi yonadi”, degan Prezident Shavkat Mirziyoyev.   Videoselektorning ertasigayoq hududda ishlar qizg‘in tus olishni boshladi. Nanay yo‘lida joylashgan post olib tashlandi. Dam olish maskanlari va oromgohlarning holati mutasaddilar tomonidan ko‘zdan kechirilib, bajariladigan ishlar ko‘lami belgilandi. Bu haqda Yangiqo‘rg‘on tuman hokimligining axborot xizmati xabar bermoqda.   "Nanayliklar davlat rahbarining tashabbusidan juda mamnun desam hech narsa aytmagan bo‘laman”, deydi Sohibkor MFY raisi Husniddin Abdullayev.   Ma'lumot uchun, Nanay tarkibiga bugungi kunda 7 qishloq, 12 ta mahalla kiradi. Salkam 30 ming aholisi bor. Post olib tashlanganidan so‘ng huvillab qolgan bozori ham jonlandi. Ushbu xayrli ishlar yozgi mavsum oldidan amalga oshirilayotgani ayni muddao bo‘ldi, chunki Nanayga dam olgani nafaqat vodiy yoki Respublikaning boshqa hududlari, hatto qo‘shni davlatlaridan ham mehmonlar kelib turadi.

1 2 3 4 5 Категория: Har-Hil | Просмотров:1573 | Добавил: Moderator | Рейтинг: 5.0/1

Всего комментариев: 0