Главная » 2020 » Fevral » 25 » Alisher Usmonovning kompaniyalarida ishlagan Nasriddinxo‘jayev O‘zbekiston moliya vaziri birinchi o‘rinbosari bo‘ldi

---

19:36 Alisher Usmonovning kompaniyalarida ishlagan Nasriddinxo‘jayev O‘zbekiston moliya vaziri birinchi o‘rinbosari bo‘ldi

Omonullo Nasriddinxo‘jayev yangi tayinlangan moliya vaziri Timur Ishmetovning birinchi o‘rinbosari etib tayinlandi. Bu haqda hukumatdagi o‘z manbasiga asoslanib. Nasriddinxo‘jayev ushbu tayinlovga qadar Prezidentning iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari bo‘yicha maslahatchisi o‘rinbosari lavozimida ishlab kelayotgan edi. U 1994-yilda Toshkent davlat universiteti (hozirgi O‘zMU)ni, 2002-yilda Italiyadagi Bokkoni universiteti boshqaruv maktabi, 2016-yilda Harvard ishbilarmonlik maktabini tamomlagan. Turli yillarda Markaziy Osiyodagi Jahon banki vakolatxonasining xalqaro tahliliy boshqarmasida (1994—1995), Credit Suisse’ning O‘zbekistondagi vakolatxonasi rahbarining o‘rinbosari (1995—1998), O‘zbekistondagi Credit Suisse First Boston vakolatxonasi rahbari (1998−2000) lavozimlarida ishlagan. O‘zbekistondagi BMT Taraqqiyot dasturining qator loyihalarini boshqargan Nasriddinxo‘jayev 2005—2006-yillarda Xalqaro moliya korporatsiyasida moliya masalalari bo‘yicha maslahatchi, shuningdek, tashkilot doirasida Markaziy Osiyoda ipoteka kreditini rivojlantirish loyihasi rahbari o‘rinbosari lavozimida mehnat qilgan. U 2007—2010-yillarda milliarder Alisher Usmonov boshqaruvidagi "Yujno-Uralskaya gorno-pererabativayushchaya kompaniya” (USM Holdings tarkibiga kiradi)da ishlagan. Keyinchalik "Metalloinvest” (USM Holdings tarkibiga kiradi) direktori o‘rinbosari bo‘lgan. 2011—2016-yillarda Nasriddinxo‘jayev "Baykalskaya gornaya kompaniya” (USM Holdings tarkibiga kiradi)da rais o‘rinbosari, 2016-yildan moliya va iqtisodiyot masalalari bo‘yicha bosh direktori bo‘lgan.

1 2 3 4 5 Категория: Har-Hil | Просмотров:598 | Добавил: moderator | Теги: yangilik | Рейтинг: 0.0/0

Всего комментариев: 0