Главная » 2017 » Aprel » 11 » Alisher Usmonov rossiyalik siyosatchini sudga bermoqchi

---

22:37 Alisher Usmonov rossiyalik siyosatchini sudga bermoqchi

Asli o‘zbekistonlik bo‘lgan va uzoq yillar davomida Rossiya Federatsiyasida yashayayotgan jahonning eng badavlat kishilaridan biri Alisher Usmonov ayni vaqtda mojaroga aralashib qoldi. Gap shundaki, jamoat vakili va siyosatchi Aleksey Navalniy Alisher Usmonovni korrupsiyada va Rossiya bosh vaziri Dmitriy Medvedevga aloqador fondni moliyalashtirishda ayblamoqda.   Aleksey Navalniy mart oyi boshida Tergov qo‘mitasiga murojaat yo‘llagan. Unda qayd etilishicha, Alisher Usmonov Dmitriy Medvedevga pora bergan. Bu haqda "Meduza” nashri xabar berdi.   Bunga javoban Alisher Usmonov barcha harakatlarini ochiq-oydin va qonuniy ravishda amalga oshirishini bildirdi. Bundan tashqari, milliarder 100 mingdan ziyod kishilarni ish bilan ta'minlaganini va har yili 100 million dollarga yaqin mablag‘ni xayriya uchun sarflashini aytib o‘tdi.   Milliarder Alisher Usmonov Aleksey Navalniy uni ayblashga haqli emasligini bildirdi. "Navalniy meni ayblashiga haqqi yo‘q. U odamlarni chalg‘ityapti va shuning o‘zi bo‘htonligini tasdiqlaydi. Men uzoq vaqt uning gaplariga ahamiyat bermagan edim. Ammo tuhmatlari chegaradan chiqib ketdi. Shu sabab huquqni muhofaza qiluvchi organlarga murojaat etaman Navalniyga qarshi sudga da'vo arizasini beraman”, deydi Alisher Usmonov.   Bu ayblovga Dmitriy Medvedev ham o‘z munosabatini bildirgan. Uning fikricha, Aleksey Navalniyning ma'lumotlari yolg‘on va dalilsiz. Dmitriy Medvedev uning bu harakatlari adolatsiz ekanligini ta'kidlab o‘tdi.

1 2 3 4 5 Категория: Har-Hil | Просмотров:1605 | Добавил: Admin | Теги: Alisher Usmonov rossiyalik siyosatc | Рейтинг: 0.0/0

Всего комментариев: 0