Главная » 2020 » Mart » 8 » Airbus Helicopters: O‘zbekistonning vertolyotga bo‘lgan hozirgi ehtiyojini qondirish uchun kamida yana 25—30 ta vertolyot zarur

---

11:43 Airbus Helicopters: O‘zbekistonning vertolyotga bo‘lgan hozirgi ehtiyojini qondirish uchun kamida yana 25—30 ta vertolyot zarur

Vertolyot ishlab chiqarish bo‘yicha dunyoning yetakchi kompaniyalaridan biri hisoblangan Airbus Helicopters O‘zbekiston bilan hamkorlikni kengaytirish niyatida. Bu haqda kompaniyaning Markaziy Osiyo va Kavkaz mamlakatlari bo‘yicha rahbari Ralf Veber O‘zbekiston bosh vaziri o‘rinbosari — Turizmni rivojlantirish davlat qo‘mitasi raisi Aziz Abduhakimov bilan uchrashuvda shu haqida ma’lum qilgan. Uchrashuvda tomonlar 19—20-fevral kunlari Toshkentda o‘tkazilgan Uzbekistan Airports, Aviation & Logistics Forum birinchi Xalqaro aviatsiya forumi doirasida O‘zbekistonda vertolyot tashuvlarini rivojlantirishga oid erishilgan kelishuvlarni amalga oshirish yo‘lini muhokama qilgan. Vertolyotlardan nafaqat qutqaruv va tibbiyot maqsadlarida, balki turli ekskursiyalar, ekstremal turizm turlari, qoyaga chiqish, sportning tog‘-chang‘i turlari kabilarni tashkil qilishda ham foydalanish ehtiyoji mavjudligi ta’kidlangan. Ralf Veberning aytishicha, vertolyot bilan ta’minlanganlik darajasi bo‘yicha xalqaro tajribaga muvofiq, har 800 ming — 1 million aholiga o‘rtacha 1 vertolyot to‘g‘ri kelishi kerak. Shundan kelib chiqib, hozirgi kunda O‘zbekistonning ushbu havo transportiga bo‘lgan ehtiyojini qondirish uchun kamida 25—30 vertolyot kerak. "Uchrashuv yakuniga ko‘ra tomonlar vertolyotlar tashuvi, uchuvchi, mexanik, texnologlar va boshqa personalni tayyorlash, seminar va treninglar tashkil qilish orqali O‘zbekistonning xususiy biznes vakillarini faol jalb qilish bo‘yicha qo‘shma kompleks loyihani ishlab chiqishga kelishib olishdi”, — deyiladi davlat qo‘mitasi axborotida.

1 2 3 4 5 Категория: Har-Hil | Просмотров:556 | Добавил: moderator | Теги: yangilik | Рейтинг: 0.0/0

Всего комментариев: 0