Главная » 2020 » Mart » 7 » Abu-Dabi, Dubay va Sharjadan O‘zbekistonning yetti shahriga aviareyslar qo‘yish bo‘yicha kelishuvga erishildi

---

20:07 Abu-Dabi, Dubay va Sharjadan O‘zbekistonning yetti shahriga aviareyslar qo‘yish bo‘yicha kelishuvga erishildi

Dubayda 4—5-mart kunlari ikki tomonlama hamkorlik va davlatlar o‘rtasida havo qatnovlarini yanada rivojlantirish maqsadida O‘zbekiston va BAA aviatsiya ma’muriyatlari o‘rtasida maslahatlashuvlar bo‘lib o‘tdi, deya xabar bermoqda Transport vazirligi. Tomonlar O‘zbekiston va BAA o‘rtasidagi yo‘nalishlarda parvozlarni amalga oshirish uchun aviakorxonalarni tayinlash, mazkur yo‘nalishlarda parvozlar chastotasi miqdorini belgilash, yangi yo‘nalishlarni ochish hamda Qarshi, Termiz, Nukus va Buxoro aeroportlarida joriy etilgan "Ochiq osmon” rejimidan foydalanish masalalarini muhokama qilgan. O‘zbekiston va BAA shaharlari o‘rtasida havo qatnovlarini rivojlantirish maqsadida tomonlar BAA aviakompaniyalarining Abu-Dabi, Dubay, Sharja shaharlaridan O‘zbekistonning Toshkent, Samarqand, Buxoro, Qarshi, Termiz, Urganch, Nukus shaharlariga parvozlarni amalga oshirishi bo‘yicha kelishuvga erishgan. "Muzokaralar yakunida ikkala tomon ham davlatlar o‘rtasidagi havo qatnovlarini yanada kengaytirishga tayyor ekanini bildirdi va tegishli bayonnomani imzoladi”, — deyiladi vazirlik axborotida. Ko‘rsatilgan shaharlar o‘rtasidagi aviaqatnovlar qachon boshlanishi, qaysi aviakompaniyalar tomonidan amalga oshirilishiga xabarda aniqlik kiritilmagan.

1 2 3 4 5 Категория: Har-Hil | Просмотров:493 | Добавил: moderator | Теги: yangilik | Рейтинг: 0.0/0

Всего комментариев: 0