Главная » 2016 » Iyul » 30 » 1 avgustdan O‘zbekistonda yangi radio ish boshlaydi

---

21:10 1 avgustdan O‘zbekistonda yangi radio ish boshlaydi

FM-102.0 "Avtoradio Hamroh” yangidan "Avtoradio” nomi bilan tashkil etildi. Joriy yilning 1 avgustidan boshlab O‘zbekistondagi FM-102.0 sobiq "Avtoradio Hamroh” radiosi "Avtoradio” nomi bilan yangi formatda ish boshlaydi. Bu haqda radio ma'muriyati "Qalampir.uz”ga ma'lum qildi. Ma'lumotlarga qaraganda, radio yangi rahbarlar qo‘liga o‘tgan.   Avvallari kun davomida xorij qo‘shiqlarini taqdim etib borish bilan shug‘ullangan radio 1 avgustdan boshlab yangi uslubda ish boshlaydi va unda endilikda o‘zbek, sharq va g‘arbning bugungi kundagi eng xit qo‘shiqlari berib boriladi.   Radio ijodiy jamoasi faqat qo‘shiqlar bilan cheklanish istagida emas. Bir vaqtlar tinlovchilar tiliga tushgan boshlovchilar "Vodiy sadosi” radiosining sobiq boshlovchisi Rustambek va "O‘zbegim taronasi”  radiosining sobiq boshlovchisi Umarxon Usmonov "Avtoradio”da ish boshlaydi. Bundan tashqari, "Yoshlar” teleradiokanali jurnalisti Kamola Ermatova ham o‘z dasturi bilan radio efirlarida ishtirok etadi. Xabar qilinishicha, radioboshlovchilar qatoridan "Lolajon” nomli qo‘shig‘i bilan tilga tushgan xonanda Muzaffar Mirzarahimov ham o‘rin olgan.   Qiziq, eski radioning yangi urinishlari, yangi qadamlar, yangi boshlovchilar va yangi dasturlar tinglovchilar ko‘ngliga yo‘l topa olarmikin? O‘zbekiston bozorida "O‘zbegim taronasi”, "Vodiy sadosi”, "Grand”, "Navro‘z” va "Oriat dono” kabi radiolar o‘z o‘rnini topib ulgurgan. "Avtoradio” ular qatoriga qo‘shila oladimi yoki yo‘q, buni vaqtning izniga qo‘yib beramiz.

1 2 3 4 5 Категория: Har-Hil | Просмотров:3459 | Добавил: Admin | Теги: 1 avgustdan O‘zbekistonda yangi rad | Рейтинг: 0.0/0

Всего комментариев: 0