Qirolicha Yelizaveta II dunyo kiborlarining old qatoridan o‘rin oluvchi ayollardan sanaladi. Keksa qirolicha 92 yoshni qarshilaganiga qaramasdan, hamon tetik. Uning nafaqat davlat boshqaruvi, qirollik oilasiga hos madaniyat va etika borasida, balki hayot, turmush borasidagi tajribasi ham juda katta. U toj kiygan qirolicha bo‘lgani bilan, u ham ona, qaynona, buvi...
Qirolichaning shaxsiy hayoti davomida orttirgan tajribasi ko‘pchilikka dars bo‘lgulik. Quyida uning hayot, sevgi va kuch haqidagi fikrlari bilan tanishishingiz mumkin.
Oila – bu qarindoshlardan iborat degani emas. Ba'zi vaqtlarda jamoa, tashkilot, hattoki mamlakat ham o‘z oilangizdek bo‘lishi mumkin.
O‘zimizni jiddiy tutmaylik. Hyech kimda donolikning monopoliyasi mavjud emas.
Doimiy tabassum meni ranjitadi. Nima uchun ayollar har vaqt tabassum kutishadi? Bu adolatdan emas. Agar inson o‘zini jiddiy tutsa, har qanday vaziyatdan oson chiqib keta oladi.
Men muvaffaqiyat formulasini bilmayman. Ammo vaqt o‘tishi bilan muvaffaqiyatga erishishning ayrim belgilariga ko‘proq e'tibor qaratadigan bo‘ldim. Natijada haqiqiy lider bo‘lish uchun insonlarning harakatlarini, g‘oyalarini, iste'dodlarini, g‘ayrat va ilhomlarini birlashtirish lozimligini angladim.
Hayot juda murakkab vaziyatlardan iborat. Faqat jasur odamlargina mag‘lubiyatni tan olmaydilar. Aksincha, kelajak uchun ham kurashadilar.
O‘zgaruvchan dunyoda faqat faollargina yetakchilik qila olishadi.
Mamlakatning farovonligi doimo erkaklarning ishonchliligi va ayollarning oliyjanobligiga bog‘liq.
Menimcha, bizning avlodlarimiz xushomadgo‘ylardan qo‘rqishadi.
Biz harakatlar o‘rtasidagi muvozanatni saqlashimiz lozim. Yo‘qsa, tanqidiy fikrlashni unutib qo‘yamiz.
Ta'lim haqida: agar to‘g‘ri tayyorgarlik ko‘rilsa, hamma narsaga erishish mumkin.